Home internasional Donald Trump Kongratula Povu TL ba Loron 20 Maiu

Donald Trump Kongratula Povu TL ba Loron 20 Maiu

365
0
SHARE
Prezidenti EUA, Donald Trump. Photo: AP
By: Hortencio SANCHES
THETIMOR-NEWS.com, DILI – Prezidenti Estadu Unidos Amerikanu (EUA), Donald Trump lori povu EUA nian kongratula povu Timor-Leste (TL) ne’ebe komemora loron restaurasaun independensia 20 Maiu ba dala 16.
Prezidenti EUA, Donald Trump

“Lori povu Estadus Unidus nia naran, Hau hakarak kongratula Timor-Leste ba imi nia komemorasaun Loron Restaurasaun Independensia iha 20 Maiu,” dehan Donald Trump iha komunikadu ne’ebe redasaun simu hosi Embaixada EUA iha Dili, Kuarta (23/5/2018).

Estadus Unidus hamutuk ho povu Timor-Leste selebra tinan 16 Timor-Leste nia independensia no dezenvolvimentu nu’udar sosiedade demokrátika ida.
Ema numeru ida iha EUA ne’e mos louva kontribuisaun signifikante Timor-Leste nian nu’udar nasaun foun ida iha mundu ne’ebé tane a’as valor universal sira ba direitus umanus no lei no ordem.
“Ami espera atu hametin liu tan kooperasaun no amizade iha tinan hirak oin mai hodi apoia nasaun rua nia prosperiedade, rejiaun Indo-Pasífiku ida ne’ebé livre no nakloke ba ema hotu inklui komunidade global ida ne’ebé hela ho dame,” dehan Prezidenti EUA nian ne’e.
Editor: Evangelisto SANTOS I COPYRIGHT @ THETIMORNEWS 2018

LEAVE A REPLY

Please enter your comment!
Please enter your name here