Home nasional Naimori: VIII Governu Tenke Tau Ema Ne’ebe Iha Esperiensia

Naimori: VIII Governu Tenke Tau Ema Ne’ebe Iha Esperiensia

2325
0
SHARE
Konselleru Masimu AMP Jose dos Santos Naimori. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Konselleru Masimu Partidu Aliansa Mudansa ba Progresu (AMP) Jose dos Santos Naimori Bucar hatete, tenke involve ema ne’ebe professional no iha ona esperiensia nune’e bele garante Governu to tinan lima.

“Bainhira Governu ida agora ne’e atu lao los, ita tenke hare ema ne’ebe iha hanoin ne’ebe diak, professional itoan iha ona esperiensia no servisu neon mos ba povu no nasaun ida ne’e,” dehan Naimori ba Jornalista iha nia rezidensia Surikmas Dili, Tersa (22/05/2018).

Lider AMPP ne’e dehan, VIII Governu mos sei la involve ema ne’ebe durante ne’e halo ona krime ne’ebe grave.

“Povu mak fo votus  ba partidu ida-idak hodi toma responsabilidade entaun ita hare ba iha passadu ema ne’ebe halo ona krime ita labele uza tanba selae bele estraga tan VIII Governu ne’e labele,” dehan Naimori.

Tanba ne’e nia fiar metin ba iha lider masimu Kay Rala Xanana  Gusmao hodi fihir didiak ema ne’ebe atu involve iha Governasaun ne’ebe sei forma.

“Hau hanoin maun Xanana mos sei hare didiak ema ne’ebe mak iha laran atu servisu ba povu ida ne’e,” dehan lider KHUNTO ne’e.

Nune’e atu fo hanoin fali iha eleisaun antesipada partidu 8 mak kompete no ikus so partidu hat deit mak konsege ultrapasa bareira 4%  hodi tuir iha uma fukun Parlamentu Nasional durante tinan 5.

Hosi partidu hat ne’e provizoriu hosi apuramentu nasional ne’ebe Komisaun Nasional Eleisoens (CNE red)  halo, AMP hetan kadeira 34, FRETILIN 23, PD  5 no FDD 3.

Tanba ne’e, AMP mak sai hanesan partidu ne’ebe manan maioria absoluta hodi forma mesak Governu ba Dala ualu.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here