Home nasional Aniversariu Restaurasaun, Hotu-Hotu Tenka Halo Reflexaun ba Responsabilidade

Aniversariu Restaurasaun, Hotu-Hotu Tenka Halo Reflexaun ba Responsabilidade

445
0
SHARE
Joven Timoroan nain rua kaer ona bandeira RDTL dada sae hodi komemora loron istoriku restaurasaun independensia 20 de Maiu. Photo: TTN/Hortencio Sanches

By: Fidelio RAMOS

THETIMOR-NEWS.com, DILI – Xefe Estadu Francisco Guterres Lu-Olo hatete, komemora loron istoriku restaurasaun independensia ba dala XVI ema hotu tenke halo reflexaun atu iha responsabilidade ne’ebe metin hodi lori nasaun ne’e ba oin.

“Aniversariu independensia kovida ita atu halo reflexaun kona ba responsabilidade as ne’ebe mosu husi governasaun maioria ne’ebe mak atu kaer ukun tanba governu ida ne’ebe mak hili tuir dalan demokrasia ho responsabilidade nune’e bele lori nasaun ne’e ba oin,” dehan Prezidente Republika Francisco Guterres Lu-Olo liu hosi diskursu selebrasaun loron istoriku restaurasaun independensia ne’ebe halo iha Praca Proclamacao (PPI) Dili, Domingu (20/05/2018).

Prezidente Republika Francisco Guterres Lu-Olo. Photo:TTN/Hortencio Sanches

Ema numeru ida iha Timor-Leste ne’e hatutan, “Restaurasaun independensia estadu nian prioridade atu haburas kondisaun ne’ebe diak no posivel hodi hametin soberania nasional hodi haforsa no hametin nasaun  no atinje nesesidade pozitivu ba povu tomak.”

Liu hosi rezultadu eleisaun antesipada maioria povu fo fiar ba partidu Aliansa Mudansa ba Progresu (AMP) hodi forma Governu ho kadeira 34. Tanba ne’e PR Lu-Olo husu iha tinan lima nia laran tenke garante Governasaun ida ne’ebe metin hodi fo moris diak ba povu.

“Maioria ne’ebe rezulta hosi eleisaun antesipada hodi hetan konfiansa maioria absoluta atu kaer ukun maibe hakarak atu hametin konfiansa no demokrasia ukun nain sira tenki halo tuir no kumpri promesa durante iha kamapainia eleitoral,” dehan PR Lu-Olo.

Lider ne’e dehan, demokrasia laos partisipa deit iha eleisaun no ukun maibe husi demokrasia signifika haburas mos kondisaun hodi rezolve problema ne’ebe mak afeita iha moris hodi promove povu nia partisipasaun.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here