Home nasional Alkatiri: TMR Involve iha VIII Governu Bele Halo Mudansa

Alkatiri: TMR Involve iha VIII Governu Bele Halo Mudansa

2984
0
SHARE
PM Mari Alkatiri. Photo: TTN/Jose Samuel

By: Hortencio SANCHES

THETIMOR-NEWS.com, DILI – Primeiru Ministru (PM) Mari Alkatiri hatete, Governasaun ne’ebe atu forma hosi partidu Aliansa Mudansa ba Progresu (AMP) involve lider Taur Matan Ruak iha laran bele halo mudansa kompara ho tinan 10 ba kotuk.

“Hau lakoi atu dehan laiha  esperansa ba Governu foun ne’ebe atu forma ne’e, hau tenke hare lai mak bele koalia, ita iha ona esperiensia durante tinan 10 ba kotuk, maibe hau hanoin katak, Taur Matan Ruak iha Governu laran karik bele lori kapasidade no akontese foun karaik bele lao diak liu,” dehan Xefe Governu ba Jornalista hafoin remata selebrasaun loron istoriku Restaurasaun independensia ba dala XVI ne’ebe halo iha Palacio do Governu Dili, Domingu (20/05/2018).

Alende ne’e, nia informa durante nia mandatu hamutuk ho membru sira kuaze fulan 6 nia laran lao deit ho orsamentu duadesimu maibe konsege realiza servisu ne’ebe sufisiente maski balun ladauk realiza.

“Iha hau nia Governasaun ami lao deit ho osan ne’ebe uitoan, iha problema barak nune’e organiza mos eleisaun ida ema barak hanoin povu la mai vota maibe povu mai ne’e barak liu fali eleisaun sira uluk ne’e kuaze 80% ne’e signifika susesu VII Governu nian,” dehan Alkatiri.

Nia esplika, bainhira uza osan  ne’ebe uitoan tenke halo manazementu no jestaun ne’ebe diak ho poupansa.

“Ida ne’e mak regras sira ne’ebe ita kaer iha Governasaun laos fakar osan arbiru deit ida ne’e mak dehan boa Governasaun ida ne’e lalos,” dehan ema numeru ida iha Governu  ne’e.

Entretantu, relasiona ho divida barak ne’ebe durante ne’e iha liu-liu iha kapital dezenvolvimentu Governu konsege selu ona 80 ou 90%.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here