Home nasional Aban Governu Troka Naran Palacio do Governu

Aban Governu Troka Naran Palacio do Governu

2060
1
SHARE
Palacio do Governu ne'ebe aban sei muda ona naran ba Praca Proklamasaun Independensia. Photo: Espesial

By: Fidelio RAMOS

THETIMOR-NEWS.com, DILI –  VII Governu ne’ebe lidera hosi Primeiru Ministru Mari Alkatiri hamutuk ho nia membru sira  iha ona planu hodi muda naran  Palacio do Governu ba fali Praca Proklamasaun Independensia bainhira komemora loron restaurasaun 20 de Maiu ne’ebe sei halo aban iha Palacio do Governo.

 “Komemora loron 20 de Maiu ba dala 16 troka mos naran Palacio do Governo ne’ebe mak loro-loron ita temi, ita sei  muda fali naran ne’e ba Praça Proklamasaun Idependensia,” dehan Ministru Estatal Valentin Ximenes hanesan mos prezidenti komisaun organizadora ba selebrasaun 20 de Maio ba Jornalista iha Igreja Motael, Sexta (18/05/2018).

Razaun hosi muda naran ne’e Ministru ne’e esplika, “uda naran ne’e tanba iha tinan 1975 ne’eba ita proklama ita nia primeira independensia iha 28 de Novembro ne’ebe agora ita hamoris fila fali tanba ida ne’e diak ba Timor diak ba ita nia historia,” dehan Governante ne’e.

Nia hatutan, bainhira atu muda naran ne’e hetan aprovasaun hosi estadu tomak no bele garante integridade territorial no afirma mos istori nasaun ne’e nian.

Entretantu, tinan ida ne’e Governu labele selebra loron istoriku ne’e iha munisipiu tanba preokupa hela ba festa demokratiku ne’ebe lao hela.

“Hau hanoin tinan oin ho Governu foun mai mak  foin bele halo iha fatin seluk no sei halo rotativa iha Munisipiu hotu,” dehan Valentin.

Nia informa, total orsamentu hodi halo komemorasaun ne’e total hamutuk 300 mil ital. no husi orsamentu  ne’e despasu balun ba munisipiu no postu Administrativu hotu iha Timor – Laran tomak.

Editór: Hortencio SANCHES I COPYRIGHT THETIMORNEWS © 2018

1 COMMENT

  1. Muda naran palacio do Governo ba proklamasaun da indrpendencia nee, hau hanoin tenke Liu husi resolusaun Parlemento nasional.

LEAVE A REPLY

Please enter your comment!
Please enter your name here