Home dezenvolvimentu Lu-Olo: Hau Prezidente ba Povu Tomak Laos Ema Ida Rua

Lu-Olo: Hau Prezidente ba Povu Tomak Laos Ema Ida Rua

1601
0
SHARE
Prezidente Republika Francisco Guterres Lu-Olo. Photo: TTN/Hortencio Sanches

By: Fidelio RAMOS

THETIMOR-NEWS. com, DILI – Xefe Estadu Francisco Guterres Lu-Olo deklara nia parte sai Prezidente Republika (PR) ba povu tomak laos ba deit ema ida ou rua.

PR Lu-Olo hato’o lia hirak ne’e hodi hatan ba deklarasaun hiran ne’ebe hato’o hosi Prezidente partidu  Aliansa Mudansa ba Progresu (AMP) Kay Rala Xanana Gusmao ne’ebe husu nia atu kore an hosi FRETILIN no sai prezidente ba Povu tomak iha konferensia imprensa ne’ebe halo foin lalais ne’e iha sede nasional AMP Dili.

“Hau Prezidente ba povu tomak maibe laos Prezidente ba ema ida ou rua Prezidente ba povu tomak duni asumi kna’ar hanesan prezidenti tuir konstituisaun no lei,” dehan PR Lu-Olo ba Jornalista hafoin remata misa ba loron 20 de Maio iha Igreja  Santo Antonio Motael, Sexta (18/05/2018).

Alende ne’e, PR Lu-Olo husu ba povu tomak atu hametin nafatin estabilidade no paz hodi dezenvolve nasaun ne’e ba oin.

Misa refere, prezidi husi Bispu Dioseze Dili D. Virgilio do Carmo no partesipa hosi membru hotu hosi VII Governu Konstitusional,  Xefe Estadu das  Forsas Armada Maijor Jeneral Lere Anan Timur no Komandante Jeral PNTL Komisariu Julio Hornay.

Enkuantu, iha biban lider masimu ne’e hatete, povu Timor-Leste selebra loron Restarasaun independensia 20 de Maio ba dala 16 atu halo refelsaun hodi valorize eroi hirak ne’ebe fo ona sira nia vida hosi sosa ukun rasik an Timor – Leste nian.

“20 de Maio loron ida ne’ebe ema hotu komemora restaurasaun independensia ba dala 16 hau hakarak hatete ba povu Timor katak, data 20 de maio ita nia eroi sira ne’ebe mak fo an ba mate ba rai ne’e, mak husik hela ba ita, ne’e duni komemora atu hanoin hikas hodi fo valor ba sira,” dehan Xefe estadu.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here