Home nasional Vitoria AMP, Dezisaun Hosi Povu

Vitoria AMP, Dezisaun Hosi Povu

681
0
SHARE
Komandante Jeral Julio da Costa Hornay. Photo: TTN/Hortencio Sanches

By: Fidelio RAMOS

THETIMOR-NEWS.com, DILI – Komandante Jeral Polisia Nasional Timor-Leste (PNTL) Komisariu Julio Hornay hatete, Partidu Politik (ParPol) ne’ebe sai vensedor iha eleisaun antesipada hanesan, Aliansa Mudansa ba Progresu hodi forma Governu ne’e determinasaun povu nian.

Komisariu ne’e afirma, prosesu eleisaun remata ho susesu maibe husi parte Comisaun Nasional Eleisaun (CNE) sei namanas halo apuramentu nasional tanba ne’e husu povu atu mantein hakmatek hodi simu rezultadu.

“Susesu bot ne’e laos monu husi lalehan maibe susesu ne’e povu Timor-Leste nian ne’ebe sei hakerek iha istoria rasik nune povu no bei oan sira sei hatene no rekunese maibe laos ita deit, mundu tomak mos rekunese hodi tau iha lalaok pratika nian tanba partidu ne’ebe deit mak hetan fiar  povu mak determina hodi intrega ba lider sira kaer ukun hodi kria dezenvovimentu,” dehan Julio liu hosi konferensia inprensa ne’ebe hala’o iha salaun kuartel Geral F-FDTL Fatuhada Dili, Kinta (17/05/2018).

Nia dehan, estetmentu ne’ebe lider sira kolia iha palku leten ba publiku ne’e sai hanesan maneira ida atu buka konfiansa hodi kaer ukun iha Parlamentu Nasional (PN) no Governu hodi dezenvolve nasaun ne’e.

“Karik liafuan la kona malu durante iha kampainia lalika lori ba odiu hodi baku malu no asalta malu no oho malu,” dehan Julio.

Nune’e nia iha konfiansa tomak ba lider hotu iha Timor –Leste atu kaer ukun ho responsabilidade hodi lori nasaun ne’e ba futuru ne’ebe diak.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here