Home nasional Mosu Frauda, Alkatiri Hakarak Eleisaun Antesipada Tan

Mosu Frauda, Alkatiri Hakarak Eleisaun Antesipada Tan

16743
0
SHARE
Sekretariu Jeral FRETILIN Mari Alkatiri. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Rezultadu Eleisaun Antesipada 12 Maiu 2018, ne’ebe nia rezultadu bele dehan ona Partidu Koligasaun Aliansi Mudansa ba Progressu (AMP) mak manan, se mosu frauda, Mari Alkatiri hakarak tan eleisaun antesipada foun.

Sekretariu Jeral FRETILIN Mari Alkatiri hatete, liu hosi rezultadu eleisaun ne’ebe anunsia provizoriu hosi Sekretariadu Tekniku Administrasaun Eleitoral (STAE) hatudu katak FRETILIN hanesan partidu ne’ebe bo’ot liu iha Timor – Leste maski partidu seluk sira manan liu hosi koligasaun.

“FRETILIN la derota ida atu partidu ne’ebe bo’ot liu iha Timor – Leste mak FRETILIN,” dehan Alkatiri ba Jornalista hafoin remata sorumutu ho Prezidente Republika Francisco Guterres Lu-Olo iha Palacio Prezidencial Bairo-Pite, Kinta (17/05/2018).

Nia dehan, rezultadu ne’ebe lolos sei anunsia hosi tribunal no tribunal konsidera eleisaun ne’ebe liu ba frauda konserteza tenke hakat fila fali ba eleisaun.

“Tribunal mak deside ona mak ita atu dehan tan saida, tribunal seidauk deside, se Tribunal mak dehan iha frauda ona hau la presiza protesta tan signifika eleisaun la vale tenke repete duni,” dehan Alkatiri.

Entretantu hare ba rezultadu hosi elisaun ne’e AMP hanesan partidu ne’ebe vensedor Alkatiri hatete, “Hau konsege fo fila fali ba koligasaun hodi forma Governu nune’e bele funsiona,” dehan Alkatiri.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here