Home nasional AMP Hetan Kadeira 34

AMP Hetan Kadeira 34

409
0
SHARE
Logo AMP ne'ebe aprova iha konferensia hodi utiliza ba eleisaun antesipada

By: Hortencio SANCHES

THETIMOR-NEWS.com, DILI – Hafoin halo apuramentu nasional hosi Komisaun Nasional Eleisoens (CNE red) durante oras 72, CNE Anunsia ona katak Partidu Koligasaun Aliansa Mudansa ba Progresu (AMP) hetan kadeira 34.

Kadeira 34 ne’ebe AMP hetan ne’e tamba hetan votos ho total votus 309.663  ou 49.6%.

Tuir kedan Partidu FRETILIN, hetan kadeira 23 hosi votus 213.324 (34.2%). Partidu Democratico okupa pozisaun da-toluk ho kadeira 5 (votus 50.370  ou 8,1%) no ikus liu partidu Frente Dezemvolvimentu Demokratica (FDD) konsege liu bareira 4 % no hetan kadeira 3 (votus 34.301 ou 5.5%).

“Kompozisaun ba kadeira Parlamentu, AMP hetan 34, FRETILIN 23, PD 5 no FDD 3,” anunsia Prezidenti CNE, Alcino Barris iha konferensia imprensa ne’ebe halao iha Salaun Konferensia Media, Kinta (17/05/2018).

Alcino Barris esplika, hosi numeru eleitor ne’ebe rejista 784.286, hamutuk 80.98% mak partisipa iha votasaun ou votantes hamutuk 635.116 mak fo nia votos.

Maibe hosi numeru 635.116, vale deit 624.525. Tamba 2.998 konsidera votos branco (mamuk), nulus 7.544, 20 rejitados no 29 abandonadu.

Iha Eleisaun antesipada hamutuk iha partidu politikus no koligasuan 8 mak kompete ho nia rezultadu hanesan PEP 5.060 (0.8%), PD 50.370 (8.8,1%), PR 4.125 (0.7%), FRETILIN 213.324 (34.2%), MSD 3188 (0.5), MDN 4.494 (0.7%), FDD 34.301 (5.5%) no AMP 309.663 (49.6%).

Ho votos maioria, AMP nudar koligasaun hosi Partidu CNRT, PLP no KHUNTO tuir Konstituisaun RDTL, artigu 106 mak deretu liu ba forma governu tamba sai maioria iha Parlamentu Nasional no la persiza tan halo koligasaun ho partidu seluk tamba liu ona kadeira 33.

Timor-Leste realizia Eleisaun Antesipada tamba rezultadu Eleisaun Parlamentar 22 Jullu 2017, maski sai vensedor Partidu FRETILIN ne’ebe ho kadeira 23 la konsege forma governu ne’ebe forte ho Partidu Democratico ne’ebe iha deit kadeira 8.

Impaktu, VII Governu Konstitusional ne’ebe lidera hosi Primeiru Ministru Mari Alkatiri tenki monu iha dalan klaran tamba programa governu ne’ebe sira aprezenta ba Parlamentu Nasional la hetan aprovasaun tamba lakon votos hasoru partidu opozisaun ne’ebe iha kadeira 35 kompostu hosi CNRT ho kadeira 22, PLP 8 no KHUNTO 5.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here