Home nasional Lere: Governu Labele Monu Tan iha Dalan Klaran

Lere: Governu Labele Monu Tan iha Dalan Klaran

2546
0
SHARE
Xefe Estadu das Forsas Armada, Maijor Jeneral Lere Anan Timur. Photo: TTN/Hortencio Sanches

By: Fidelio RAMOS

THETIMOR-NEWS.com, DILI – Xefe Estadu Major das Forsas Armada, F-FDTL Maijor Jeneral Lere Anan Timur husu ba partidu ne’ebe hetan vitoria no la hetan vitoria iha eleisaun antesipada atu kopera hamutuk nune’e Governu labele monu tan iha dalan klaran hanesan Governu ne’ebe liu ona.

“Tenki hadomi nasaun no hadomi lider sira lakoi Governu monu tan iha dalan klaran se kuandu Governu monu sei iha solusaun seluk tanba povu laiha ona konfiansa,” dehan eis Guirilleiru ne’e ba Jornalista hafoin remata inkontru ho Prezidente Republika (PR) Francisco Guterres Lu-Olo iha Palacio Presidensial Bairu-Pite, Kuarta (16/05/2017).

Nia hatutan, iha eleisaun desidi husi povu kuandu se mak manan ba ukun tenki ho susesu no se mak lakon sai deit opozisaun hodi ajuda apoiu governu atu bele lori dezenvolvimentu nasaun ne’e ba oin.

Alende ne’e nia husu ba partidu ne’ebe mak sai hanesan vensedor hodi forma Governu laos deit susesu hodi halo servisu maibe tenke realiza promesa ne’ebe hato’o ona ba povu iha tempu kampaina.

“Povu hili atu ita ba servisu tanba promete dehan hadia be’e mos estrada veteranus oan kiak no seluk tan, se tinan ida rua mak sabraut nafatin hela mos hau dehan imi bosok ten imi manan iha eleisaun la hatudu servisu ba povu,” dehan Lere.

Entretantu nia iha konfiansa bo’ot ba lider istoriku sira hanesan Mari Alkatiri, Jose Ramos Horta, Xanana Gusmao no Taur Matan Ruak sei rai hela buat ne’ebe diak no foun ba jerasaun foun sira atu lori nasaun ne’e ba oin atu nune’e nasaun ne’e bele hakmatek.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here