Home nasional Xanana Husu Militante AMP Hatudu Maturidade Politiku

Xanana Husu Militante AMP Hatudu Maturidade Politiku

404
0
SHARE
Prezidente AMP Kay Rala Xanana Gusmao. Photo: TTN/Hortencio Sanches

By: Hortencio SANCJES

THETIMOR-NEWS.com, DILI – Prezidente Partidu Aliansa Mudansa ba Progresu (AMP) Kay Rala Xanana Gusmão husu ba militante tomak atu tur hakmatek iha fatin no labele halo konflitus.

“Kuadrus no militantes AMP bele tur  hakmatek,  lalika halo festa tun sae tanba ne’e laos kazamentu, ba kuadrus hotu husu deit mak ne’e nudar sidadaun ida ne’ebe diak tenke hatudu maturidade diak tanba gora mak foin komesa atu servisu,” dehan lider masimu AMP ne’e liu hosi konferensia imprensa ne’ebe halo iha sede nasional AMP Bairos dos Grillos Dili, Tersa (15/05/2018).

Nune’e nia husu ba populasaun hotu atu kalma nafatin hodi hare ba nasaun nia futuru ne’ebe diak liu hosi hotu hotu nia kontribuisaun no servisu.

Entertantu hanesan lider masimu Xanana Gusmão lori kuadrus tomak hato’o apresiasaun ba populasaun Timor – Leste ne’ebe hahu hosi eleisaun 2017 to eleisaun 2018 hatudu ona maturidade politiku ne’ebe diak hodi kontribui ba paz no estabilidade maski iha problema ki’ik balun maibe la fo impaktu ba povu hotu.

Iha rezultadu provizoriu ne’ebe publika hosi STAE hatudu katak, AMP mak sai hanesan partidu vensedor ba eleisaun antesipada ho kadeira 34, FRETILIN 23, PD 5 no FDD 3.

AMP Vensedor iha eleisaunn ne’e ho votus hamutuk, 308.548 (49.59%), FRETILIN 212.702 (34.18%), PD 49.591 (8.03%) no FDD 34.235 (5.50%).

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here