Home nasional Eleisaun Lao Diak, AMP Louva Servisu STAE-CNE

Eleisaun Lao Diak, AMP Louva Servisu STAE-CNE

715
0
SHARE
Prezidente AMP hakuak no koalia hela ho Portavoz AMP Taur Matan Ruak. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Partidu Aliansa Mudansa ba Progresu (AMP) liu hosi lider masimu Kay Rala Xanana Gusmão lori estrutra tomak hato’o apresiasaun ba Sekretariadu Tekniku Administrasaun Eleitoral (STAE) no Comicoens Nacional Eleisoens (CNE) ne’ebe durante eleisaun hatudu duni servisu ne’ebe diak.

“Durante eleisaun lao ami akompana ba Timor laran tomak no ami fo apresu ba pesoal ema sira ne’ebe servisu iha STAE liu-liu iha estasoens de votus, ami fo  apresu ida ne’e tanba AMP bele dehan sira kontribui atu minimiza iregularidade sira hanesan iha fatin balun voletin votus balun buradu ona sira levanta iha mos fatin seluk balu urnas barak liu sira levanta problema ida ne’e mak apresu hosi AMP ba joven sira ne’ebe durante ne’e servisu,” dehan Kay Rala Xanana Gusmão liu hosi konferensia imprensa ne’ebe halo iha sede nasional AMP Bairos dos Grillus Dili, Tersa (15/05/2018).

Alende ne’e, lider karismatiku ne’e hato’o mos  apresiasaun ba servisu seguransa nian ne’ebe fo apoiu diar tebes hodi akompaina eleisaun ne’e lao diak no susesu.

Tanba ne’e nia dehan, ho servisu parte hirak ne’e halo bele dehan ho duni konsiensia ne’ebe diak ba nasaun Timor – Leste.

“Servisu hirak ne’e hanesan ezemplu diak id aba loron seluk mai bele halo diak liu tan,” dehan lider Rezistensia ne’e.

Nia haktuir maski servisu hirak ne’e iha failansu balun maibe sira nia parte koko atu kompriende no ba oin tenke hadia nune’e labele akontese tan.

“Iha Dili aktas ne’ebe ami simu husi ami nia fiskais sira hotu, AMP hetan 72 mil, maibe aprezenta fali hosi STAE nian 71 mil resin deit ne’ebe ami dehan bele failansu tekniku ruma karik ida ne’e ma kami preokupa,” dehan Xanana.

Liu hosi rezultadu provizoriu ne’ebe fo sai hosi STAE hatudu katak partidu hat hanesan AMP, FRETILIN, PD no FDD mak ultrapassa bareira  4% hodi tama ba Parlamentu nasional.

Iha rezultadu provizoriu ne’ebe publika hosi STAE hatudu katak, AMP mak sai hanesan partidu vensedor ba eleisaun antesipada ho kadeira 34, FRETILIN 23, PD 5 no FDD 3.

AMP Vensedor iha eleisaunn ne’e ho votus hamutuk, 308.548 (49.59%), FRETILIN 212.702 (34.18%), PD 49.591 (8.03%) no FDD 34.235 (5.50%).

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here