Home nasional Servisu Profesional, PD Louva CNE-STAE

Servisu Profesional, PD Louva CNE-STAE

258
0
SHARE
Militante PD ne'ebe patrisipa hela kampaina iha munisipiu Liquica. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Partidu Democratico liu hosi Sekretariu Jeeral Interino Arcangelo Leite lori estrutura tomak hato’o apresiasaun ba CNE no STAE ne’ebe hatudu ona profesionalismu hodi halo eleisaaun ne’ebe laao ho demokratiku iha Timor- Leste.

Tanba ne’e, PD simu dezisaun saida deit mak povu determina ona iha eleisaun ne’ebe fo votus maioria ba partidu Aliansa Mudansa ba Progresu (AMP).

“PD respeita no simu dezisaun tomak nian liu hosi eleisaun antesipada ne’ebe foin liu daudauk, PD hato’o parabens ba AMP ne’ebe hetan votus maioria iha eleisaun antesipada ida ne’e, PD apresia servisu orgaun eleitorais tantu iha rai laran no liur ne’ebe halo sira nia knar ho professional,” dehan Arcangelio liu hosi Konferensia Imprensa ne’ebe halo iha sede nasional PD Colmera Dili, Segunda (14/05/2018).

Entretantu, lori mos estrutura PD nian tomak hato’o apresiasaun no hakruk ba militante no simpatizante PD hotu iha Timor laran tomak ne’ebe kontinua defende nafatin PD hodi hakat ba oin no fiar katak ba oin PD sei buras liu tan.

Tuir rezultadu provizoriu husi STAE hatudu PD hetan votus total 50,034 (8.03%). Enkuantu AMP mak sai hanesan partidu mais votadu ho votus hamutuk, 309.015 (49.59%).

Alende ne’e, FRETILIN okupa iha pozisaun daruak ho total votus 212.974 (34.18%). Partidu Koligasaun FDD hetan votus 34.279 (5.50%).

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here