Home nasional Lakon Kadeira Rua, Assanami: Ne’e Vontade Povu Nian

Lakon Kadeira Rua, Assanami: Ne’e Vontade Povu Nian

4170
0
SHARE
Prezidente PD Mariano Assanami Sabino. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Rezultadu provizoriu  eleisaun antesipada liu hosi apuramentu ne’ebe Sekretariadu Tekniku Administrasaun Eleitoral (STAE) halo hatudu katak Partidu Democratico (PD) derota ho kadeira rua. Tanba ne’e, Prezidente Mariano Assanami Sabino dehaan buat hotu vontade mai hosi povu mak hanesan ne’e hakarak ka lakoi pronto simu.

“PD nia esforsu makas tebes ho nia estrutura tomak ne’ebe mak servisu no mos kampaina ne’ebe mak lao iha teritoriu laran tomak ami laos kategoria numeru ida ne’ebe ma kami hetan ne’e, maibe pronto nudar PD hanesan jerasaun kontinuador ami sempre dehan partidu ida ne’e iha responsabilidade bo’ot hodi haburas demokrasia no konstroi nasaun ne’e ba oin,” dehan Assanami liu hosi konferensia Imprensa ne’ebe halo iha sede nasional PD Colmera Dili, Segunda (14/05/2018).

Nia esplika, bainhira PD simu dezisaun hotu tanba ida ne’e mak dalan ida ba lisan ukun no lisan ba moris.

“Hosi ami nia servisu no militante ne’ebe mak iha hatudu katak ami labele merese atu hetan numeru ida 5  ne’e,” dehan Assanami.

Tuir rezultadu provizoriu husi STAE hatudu PD hetan votus total 50,034 (8.03%). Enkuantu AMP mak sai hanesan partidu mais votadu ho votus hamutuk, 309.015 (49.59%).

Alende ne’e, FRETILIN okupa iha pozisaun daruak ho total votus 212.974 (34.18%). Partidu Koligasaun FDD hetan votus 34.279 (5.50%).

Liu hosi rezultadu ne’ebe iha hatudu karak, so partidu hat ne’e deit mak iha posibilidade hodi hakat liu bareira ba tur iha Parlamentu Nasional.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here