Home nasional FRETILIN Deskonfia, EA Buat Balu Lao Lalos

FRETILIN Deskonfia, EA Buat Balu Lao Lalos

3746
0
SHARE
Sekretariu Jeral FRETILIN Mari Alkatiri. Photo TTN/Hortencio Sanches

By: Fidelio RAMOS

THETIMOR-NEWS.com, DILI- Partidu FRETILIN liu hosi Sekretariu Jeral Mari Alkatiri deklara,Eleisaun Antesipada (EA) ne’ebe liu iha buat barak mak lao seidauk los tanba nia parte duvida no la konkorda simu rezultadu refere.

Alkatiri hato’o lia hirak ne’e ba militante sira iha Comite Central FRETILIN (CCF red.) Domingu (13/05/2018).

“Ita hotu hatene saida mak akontese iha ita nia rain, hau rasik seidauk konvensidu ho rezultadu eleisaun ne’e, maibe hau husu ba kamarada sira hotu iha Timor laran kalma nafatin tanba lideransa FRETILIN sei buka tuir hela dadus oioin hodi loke  invetigasaun,” dehan Alkatiri.

Lider ne’e dehan,  buat hirak ne’ebe deskonfia laos iha ona provas mabe tenke deskonfia duni.

“Ida ne’e la signifika katak buat ne’ebe deskonfia ne’e iha ona provas, maibe tenke deskonfia duni,” dehan Alkatiri.

Entretantu, nia mos la konkorda bainhira lider balun koalia atu lori FRETILIN ba halot iha Muzeum.

“FRETILIN la nakdoko bainhira ema balun dehan lori FRETTILIN ba muzeun maibe hau fiar katak sira mak ba uluk muzeum karik maibe ita mantein kalma, husik ami lider sira atu halao servisu oitoan tanba bainhira atu halo reklamasaun tenki iha faktus se ita laiha faktus signifika ita lakon dalarua hanesan iha kontazen no reklamasaun,” dehan lider FRETILIN ne’e.

Alende ne’e, nia parte la simu rezultadu votasaun iha  Reziaun Administrativa Espesial Oe-Cuse Ambeno (RAEOA) nune’e sira sei buka provas hodi loke prosesu investigasaun.

Bainhira sira nia parte buka provas laiha hodi loke investigasaun sira nia parte pasiensia sai hanesan opozisaun no la sai aliadu no aitonka ba ema seluk.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here