Home nasional Uma Lima Iha Oe-cuse Hetan Sunu

Uma Lima Iha Oe-cuse Hetan Sunu

72
0
SHARE
uma militante AMP niaan ne'ebe hetan sunu iha Oe-Cuse. Photo: Facebook/Agustinho Caet

By: Hortencio SANCHES

THETIMOR-NEWS.com, Oe-Cuse – 12 Maiu hanesan loron ne’ebe importante ba povu Timor – Leste tomak atu ba ezerse  direitu votu dala ida tan hodi hili partidu ne’ebe sira hakarak hodi bele kaer ukun durante tinan lima.

Maibe iha Reziaun Administrativu Oe-Cuse Ambenu (RAEOA) populasaun sira la kontente tanba hafoin sira hakat ba sentru votasaun maibe fila ba uma ne’ebe sira hela hetan sunu hosi ema militante FRETILIN nian hamutuk uma lima.

Komisaun Juridika AMP Tiago Sarmentu informa, sira nia parte simu ona informasaun hosi teritoriu laran tomak ne’ebe  krimi eleitoral barak.

Avo feto ne’e hamrik ho oin ne’ebe triste tanba nia uma hetan sunu hosi militante FRETILIN iha Oe-Cuse. Photo: Facebook/Agustinho Caet

“AMP simu informasaun hosi teritoriu laran tomak bazeia ba provas ne’ebe tama ona mai ami nia liman, ami koalia kada munisipiu hahu hosi tuku 7 to agora iregularidade no akontesimentu balun ne’ebe impede eleitores no liu-liu militante AMP sira atu labele  ezerse sira nia direitu iha eleisaun ne’e no iha Oe-cuse uma lima mak hetan sunu, uma lima ne’e mai hosi militante AMP nian,” dehan Tiago ba Jornalista iha konferensia imprensa ne’ebe halo iha sede nasional AMP Bairo dos Grillus, Sabadu (12/05/2018).

Tanba ne’e, komandante operasaun PNTL Henrique da Costa informa iha duni uma lima mak hetan suni iha Oe-cuse maibe daudauk ne’e tama on aba prosesu investigaasaun.

“Los duni uma lima hetan sunu iha tuku 10 akontese iha Oe-cuse agora iha prosesu investigasaun,” dehan Komandante Operasau PNTL, Superintendente Xefe Henrique da Costa ba THETIMOR-NEWS via telefe.

Alende ne’e, membru komisaun juridiku AMP akresenta tan katak, iha munisipiu Viqueque akontese vekulu estadu nian ruaa ne’ebe tula urnas  mamuk hosi fatin balu hamutuk 50 no kareta ida tula ba Watulari no ida lori ba  parte watu karbau maibe  PNTL konsege prende no daudauk ne’e iha ona prosesu investigasaun.

“Pergunta mak ne’e, kaixa mamuk sira ne’e mosu seim koinesimentu hosi STAE no CNE ne’e, yanba ne’e AMP husu ba STAE no CNE liu-liu ba STAE atu halo klarifikasaun tanba situasaun ne’e kaixa mamuk mosu la hatene hosi ne’ebe,” dehan Tiago.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here