Home nasional Paz Estabilidade no Prosperidade Sai Esperansa ba Povu Timor – Leste

Paz Estabilidade no Prosperidade Sai Esperansa ba Povu Timor – Leste

152
0
SHARE
Avo ne'e hataama hela voletim votus ne'ebe nia vota ona ba Urnas laran. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Hahu hosi dader tuku 7:00, povu Timor  – Leste hotu nadodon ba sentru votasaun ida-idak ne’ebe besik hodi ezerse sira nia direitu hanesan Timoroan hodi  hili partidu ne’ebe sira hakarak diak hodi lori nasaun ne’e ba oin.

Povu sira tuir hela formatura atu ba vota iha eleisaun antesipada. Photo: TTN/Hortencio Sanches

Tuir povu nia hakarak, rezultadu saida deit mak mosu iha eleisaun antesipada parlamentar, importante mak paz, estabilidade no prosperiedade ba povu nia moris.

Jaime de Fatima hanesan sidadaun sente kontente bainhira hakat ba sentru votasaun hodi ezerse direitu hanesan sidadaun.

“Hau sente kontente tebes bainhira fila fali mai vota dala ida tan iha tinan kotuk vota ona, maibe agora vota fali tanba daudauk ne’e ita nia Governu la metin, maibe hau fiar katak hosi rezultadu ida agora ne’e bele diak atu nune’e Governu ida tuir mai bele metin lao iha estabilidade prosperidade nia laran atu halo dezenvolvimentu ida diak liu,” dehan Jaime ba THETIMOR-NEWS hafoin remata vota iha Sentru Votasaun Eskola Xina, Bairo Formosa Dili, Sabadu (12/05/2018).

Ameli Maia mos husu ba nain ulun sira, bainhira partidu se deit maka manan importante halo dezenvolvimentu iha nasaun ne’e lao ba oin ho diak no mos hametin paz no estabilidade.

“Partidu se deit mak manan mos diak hotu, importante tenke hare povu nia moris ne’e kria paz estabilidade atu nune’e  ita nia nasaun bele lao ba oin,” dehan Ameli.

Prosesu eleisaun ne’e rasik sei taka to’o tuku 3 lokoraik no kontinua ho kontazem votus.

Iha Eleisaun antesipada total eleitors hamutuk iha 784.286 ho sentru votasaun hamutuk 885 no nia estasaun votos 1.160.

Total partidu politiku no koligasuan ne’ebe kompete iha eleisaun ne’e hamutuk 8 maka PEP, PD, PR, FRETILIN, MSD, MDN, FDD no AMP.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here