Home dezenvolvimentu Material Sensitivu-Noun Sensitivu Dili Distribui ona ba Sentru Votasaun

Material Sensitivu-Noun Sensitivu Dili Distribui ona ba Sentru Votasaun

254
0
SHARE
Materiais votus ne'ebe preparadu ona atu desloka ba sentru votasaun ida-idak iha minusipiu Dili. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Sekretariadu Tekniku Administrasaun Eleitoral (STAE) Munisipiu Dili distribui ona material sensitivus no noun sensitivu eleisaun nian ba sentru votasaun.

Matriais votus ne’ebe ofisiais STAE sira tula ona ba kareta atu lori ba sentru votasaun sira. Photo: TTN/Hortencio Sanches

Serimonia distribuisaun materiais siensitivus hirak ne’e loke direitamente hosi Adjuntu Administrador Munisipiu Dili Zeca Smith, Komandante Polisia Nasional Timor – Leste (PNTL) Munisipiu Dili Superintendente Xefe Pedro Belo no Diretor STAE Agustinho Reis Gomes.

Iha diskursu Adjuntu Administrador Munisipiu Dili Zeca Smith husu ba brigade no ofisiais hotu ne’ebe servisu iha  eleisaun refere tenke matan moris neon nain no halo knar ho lolos tanba ne’e laos foun maibe iha tinan kotuk halo ona.

Adjuntu Administrador Munisipiu Dili Zeca Smith. Photo: TTN/Hortencio Sanches

“Ohin ita halo lansamentu tan ba materiais sensitivus no nonsinsitivus kona ba eleisaun antesipada nian, ita hotu lembra, ita hotu hatene saida mak ita halo tiha ona  iha tinan kotuk, knar tomak ne’ebe estadu fo mai ita atu garante eleisaun ne’e bele lao ho susesu,” dehan Zeca bainhira halo serimonia lansamentu iha Administrasaun Autoridade Munisipal Dili, Sexta (11/05/2018).

Nune’e nia husu ba Brigada no poliestaf hotu hosi STAE no CNE atu halo koperasaun ne’ebe diak ho membru PNTL ne’ebe fo seguransa ba sentru votasaun sira nune’e labele mosu konflitu ruma iha ne’eba.

Iha fatin hanesan komandante Munisipiu Dili Superintendente Xefe Pedro Belo hatete, atu garante eleisaun antesipada lao ho susesu responsabilidade laos mai hosi PNTL ou  estaf STAE no CNE deit maibe mai hotu hosi ema hotu hamutuk mak kontribui ba estabilidade.

Komandante PNTL munisipiu Dili. Superintendente Xefe Pedro Belo. Photo: TTN/Hortencio Sanches

“Ohin ita iha servisu todan ida ne’ebe tula hela ba ita nia kabas, tanba ne’e mak ita husu ba ema hotu katak, ita hotu sei iha responsabilidade, responsabilidade ida ne’e laos tau ba CNE niaa kabas, laos tau ba PNTL nia kabas maibe ba ita hotu nia kabas,” dehan Pedro Belo.

Nia hatutan, knar ne’ebe estadu fo fiar atu servisu ba povu no nasaun laos atu servisu ba partidu. Tanba ne’e komandante ne’e husu ba hotu-hotu ne’ebe servisu iha sentru votasaun tenke responsabilidade no labele loial ba partidu maibe loial ba nasaun no povu ida ne’e mak importante.

Entretantu, sentru votasaun iha munisipiu Dili hamutuk 83 estasaun votasaun 187 no staf hosi CNE no STAE ne’ebe atu servisu iha sentru votasaun hirak ne’e hamutuk 1870.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here