Home nasional PNTL Preparadu Seguransa ba Eleisaun Antesipada

PNTL Preparadu Seguransa ba Eleisaun Antesipada

161
0
SHARE
Membru PNTL ne'ebe preparadu desloka ba munisipiu. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Polisia Nasional Timor – Leste (PNTL) preparadu ona hodi fo seguransa ba Eleisaun Antesipada ne’ebe sei halo iha 12 Maiu bairua.

Tanba ne’e, ohin Kinta (10/05/2018) Komandu PNTL  Nasional halo serimonia dezlokasaun, membru PNTL nune’e bele fo apoiu seguransa ba sentru votasaun iha Munisipiu 13.

Serimonia ne’e, dirije husi Komandante Jeral Komisariu Julio Hornay iha Kuraatel Jeral Caaicoli Dili.

Komandante Jeral Julio da Costa Hornay. Photo: TTN/Hortencio Sanches

Komisariu Julio husu ba membru hirak ne’ebe desloka on aba Munisipiu tenke halo tuir orden saida mak komandu munisipiu orienta.

“Ita bo’ot sira hotu sei koloka ba sentru votasaun ida-idak hodi  fo apoiu seguransa ba ita nia eleisaun antesipada ne’ebe mak sei halo, to ona iha Munisipiu komandu munisipiu mak iha responsaabilidade masimu kona ba servisu ne’ebe mak ita bo’ot sira atu halo,” dehan Komisariu Julio.

Nune’e, nia husu ba membru hotu tenke halo tuir servisu tuir misaun PNTL nian ho responsabilidade tuir lei no orden.

“Ita bo’ot sira tenke halo knar tuir lei no orden, hatudu disiplina, hatudu neutralidade, imparsialidade iha servisu laran,” dehan Hornay.

Alende ne’e, Komisariu ne’e hato’o ba publiku bainhira sidadaun balun ne’ebe tenta halo krimi iha sentru votasaun PNTL sei hatan no la fo toleransia.

Alende ne’e, nia informa membru hirak ne’ebe desloka kompostu hosi Unidade Patrollamentu Fronteira, Unidade PatrollamentuMaritima, Batallaun Orden Publiku no seluk tan.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here