Home dezenvolvimentu Kreda Katolika ho Governu Renova Akordu Santa-se

Kreda Katolika ho Governu Renova Akordu Santa-se

111
0
SHARE
D. Basilio no PM Alkatiri kaer hela akordu ne'ebe sira assina ona. Photo: GPM/Samuel

By: Hortencio SANCHES

THETIMOR-NEWS.com, DIL – Kreda Katolika liu hosi Prezidente Konferensia Espikopal Dom Basilio do Nasimentu ho Primeiru Ministru (PM) Mari Alkatiri renova akordu entre uma kreda lokal no Governu Timor – Leste.

Dom Basilio esplika, akordu ne’e estadu Timor ho estadu sante-se asina ona iha 2016, konaba kontribuisaun ne’ebe estadu Timor Leste fó ba uma kreda foku ba programa importante tolu hanesan edukasaun, problema sosiál inklui aktiviaddes igreja nian.

Lider Kreda Katolika ne’e hatutan, tuir loloos akordu refere prazu to’o fulan Jullu 2017 tenki renova ona, maibé la konsege renova tanba, VII Governu seidauk la’o normal.

D. Basilio do Nasimento Bispu Diosese Baucau. Photo: TTN/Hortencio Sanches

“Iha akordu ida entre estadu vatikanu ho estadu Timorense konaba kontribuisaun ne’ebe estadu Timor fo ba uma kreda ba aktividades sira ne’ebe uma kreda nian, iha area tolu, edukasaun, buat sosiál nian, servisu uma kreda nian, ne’eduni tuir asinatura ida ne’e iha akordu annual ida tinan-tinan tenki asina, maibé tinan ida ne’e atraza liu tanba Governu Jullu 2017 la la’o. Foin ohin mak bele asina akordu ba 2018 nian,” dehan D. Basilio ba jornsliata hafoin remata serimónia asinatura akordu refere iha Palacio do Governo, Kinta (10/05/2018).

D. Basílio dehan, akordu ne’e hahu implementa ona iha tinan ida ba kotuk, maibe iha tinan ida ne’e labele atu kontinua implementa tanba osan laiha.

Maibe igreja kontinua implementa nafatin programa ne’ebe asina ona, maibe Governu aloka ona osan ba uma kreda hafoin taka fila-fali osan ne’ebe foti hosi implementa programa refere.

“Estadu ho Governu konsidera uma kreda hanesan parseiru ba servisu povu nian, ne’eduni estadu partilla ho uma kreda ho responsabilidade konaba servisu povu nian liu-liu bu’at ne’ebe uma kreda laiha forsa. Liu-liu konaba osan estadu kontribui tuir kapasidade estadu nian,” dehan D. Basilio.

Líder igreja katólika ne’e argumenta, vantazen no des-vantazen husi programa refere bainhira, maske iha ideia mesak fulak. Maibe osan laiha sei la halo buat ida.

Maibé konaba total orsamentu ne’ebe estadu Timor Leste fo ba uma kreda, Dom Basílio do Nascimento la fo sai montante tanba la fixa.

Sekretariu Estadu Konsellu Ministru no Komunikasaun Sosial Matias Boavida. Photo: TTN/Hortencio Sanches

Nune’e mos Sekretáriu Estadu Konsellu Ministru no Komunikasaun Sosiál (SEKMKS) Matias Boavida hateten, akordu ida ne’e asina tanba, Governu atu fo kontribuisaun no subvensaun annual ba uma kreda ho montante orsamentu hamutuk $ 15 milloens dolar husi orsamentu 2018 nian.

Hodi implementa ba aktividades igreja nian, liu-liu iha area sosiál, edukasaun no inklui aktividades igreja nian.

Entretantu, Estadu Timorense ho estadu sante-se hahú asina akordu ne’e iha 2016, ne’ebe estadu Timor Leste reprezente husi Primeiru Ministru (PM) Rui Maria de Araújo iha VI governu konstitusionál. Bainhira Sekretáriu Estadu Santa-se Pietro Parolin halo primeira vizita mai Timor Leste.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here