Home edukasaun Governu Fasilita Transporte Ba Estudante La Sufisiente

Governu Fasilita Transporte Ba Estudante La Sufisiente

259
0
SHARE
Estudante sira sae hadau malu hela kareta ne'ebe Governu fasilita lori sira ba Munisipiu hodi Tuir Eleisaun. Photo: TTN/Hortencio Sanches

By: Fidelio RAMOS

THETIMOR-NEWS.com, DILI – Daudauk ne’e VII Governu Konstitusional fasilita transporte ba  estudante universitariu hirak ne’ebe hele iha kapital Dili hodi  fila ba ida –idak nia  munisipiu hodi partisipa iha festa demokrasia eleisaun antesipada.

Estudaante ne’ebe prepara atu ba tuir eleisaun iha nia munisipiu Covalima Maria Madalena. Photo: TTN/Fidelio Ramos

Maibe Estudaante balun sente la satisfaz ho azudu ne’ebe Governu fo tanba la sufisiente no estudante barak liu.

Maria Madalena Estudante UNITAL husi munisipiu Covalima hatete, transporte ne’ebe governu fasilita ba sira la sufisiente tanba estudante barak tebes.

“Ida ne’e primeira vez ami rona dehan sira fasilita ami to iha fatin maibe fasilita duni nafatin ladun to’o tanba estudante barak demais  balun desloka uluk ona maibe barak mak sei hein hela iha merkadu lama ne’e,” dehan Madalena ba THETIMOR-NEWS iha Merkadu Lama Caicoli, Kinta  (10/05/2018).

Transporte ba estudante hosi Covalima hamutuk  10 maibe la to’o  naafatin ba estudante hirak ne’e.

“Dili ba Suai dok tebes bele tuir fali kareta ne’ebe mak la pantas para atu tula ami feto sira, se ami mak ba deit ho kareta publiku sira ne’e ami osan laiha para atu selu maibe ami sei  hein tan ororas kareta sei mai tan para tula ami ba to’o iha ami nia moris fatin” dehan Madalena.

Iha fatin hanesan estudante Institutu Of Busines (IOB), Akitu Gonçalves, senti orgulho tanba governu bele fasilita sira ho transforte gratuita, to’o iha Munisipiu Lautem.

“Hau apresia tebes ho governu nia tulun ba ami, hodi to’o iha ami nia moris fatin hodi ezerse direitu iha elisaun antisipada,” dehan Akitu.

Tanba kondisaun kareta la  sufisiente THETIMOR-NEWS tenta atu halo konfirmasaun ho parte Governu liu-liu Ministeriu Edukasaun  maibe laiha fatin.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here