Home dezenvolvimentu Militante AMP 45.000 Resin Taka Kampana ho Paz

Militante AMP 45.000 Resin Taka Kampana ho Paz

249
0
SHARE
Militante AMP ne'ebe partisipa iha kampaina ne'ebe halo iha Tasi-Tolu Dili ikus liu. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Maske hetan violensia iha fatin balun, Partidu Koligasaun Aliansa Mudansa ba Progresu (AMP) liu hosi nia militante kuaze 45.000 resin ne’ebe partisipa kampana ikus AMP nian iha Tasi Tolu, Dili taka ho paz no kontinua dame maski iha dalan fila hetan tuda hosi oknum partidu balun.

Portavoz AMP Taur Matan Ruak. Photo: TTN/Hortencio Sanches

“Hau orgullu, tamba ita votantes kuaze 265.000 resin, maibe sedauk halo violensia. Laos hanesan partidu seluk tuda ba ita,” dehan Taur Matan Ruak, Porta Voz AMP iha komisiu politiku AMP nian iha Tasi Tolu, Dili, Tersa (8/5/2018).

Iha komisiu politik ikus nian, Prezidenti AMP, Kay Rala Xanana Gusmão husu povu hotu atu fo konfiansa ba AMP atu nune’e bele dudu ekonomia no dada kadoras mina nian mai Timor – Leste.

“Vota ba AMP atu dudu ekonomia lais liu, atu dada kadoras mina nian mai, mai ita hamutuk hametin estabilidade, hamutuk imi ho ami, ami ho imi ita sei hametin nasaun,” dehan Xanana iha komisiu ikus AMP nian ne’ebe halo iha Tasi-Tolu Dili, Tersa (08/05/2018).

Prezidente AMP Kay Rala Xanana Gusmao. Photo: TTN/Hortencio Sanches

Nune’e, lider masimu AMP ne’e, husu ba militante hotu atu hametin demokrasia hodi respeita partidu seluk nune’e labele mosu konflitu iha nasaun ne’e.

Lider karismatiku ne’e afirma tan katak, eleisaun ne’ebe mai hanesan mos referendum ba dala rua hodi lori povu sai hosi kiak no mukit.

Alende ne’e, iha mos organizasaun massa balun, inklui Fundasaun Domin ne’ebe hamahon PSHT atu nia membru sira vota AMP iha 12 Maiu nune’e bele lori AMP kaer governu tamba AMP iha ona planu hodi re-ativa hikas arte marsias 3 (PSHT, KORK no IKS) ne’ebe governu taka.

 Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here