Home dezenvolvimentu FRETILIN Sei Dezenvolve Dili Sai Furak

FRETILIN Sei Dezenvolve Dili Sai Furak

268
0
SHARE
Sekretariu Jeral FRETILIN Mari Alkatiri hato'o hela programa iha kampaina ikus ne'ebe halo iha Tasi-Tolu Dili. Photo: TTN/Hortencio Sanches

By: Fidelio RAMOS

THETIMOR-NEWS.com, DILI –  Sekretariu jeral Frente Revolucionaria Timor-Leste Independente (FRETILIN) Mari Alkatiri hatete, bainhira povu fo konfiansa maximu iha eleisaun hodi kaer ukun sei dezenvolve sidade Dili sai furak liu iha rejiaun sudeste aziatiku.

Militante FRETILIN ne’ebe partisipa iha kampaina ikus ne’ebe halo iha Tasi-Tolu Dili. Photo: Hortencio Sanches

Alkatiri hato’o lia hirak ne’e ba militante no simpatezante iha komisiu politik ne’ebe hala’o iha Tasi-Tolu, Kuarta (09/05/2017).

“Hau la promete tanba agora iha ona planu ba programa, maibe sei akontese hau garante katak sei akontese sai sidade ida kapas liu iha rejiaun sudeste azia, no sei dezenvolve mos Largo Lecidere hanesan area branka tanba fatin ne’e sai hanesan sala de vizita iha Kapital Dili,” dehan lider maximu FRETILIN ne’e.

Nia dehan, governasaun FRETILIN sei halo mos dezenvolvimentu zona aseleradu iha munisipiu sira para oinsa bele aselera prosesu dezenvolvimentu ba povu hodi asesu merkadu.

“Sei hahu iha Timor laran tomak hanesan Baucau, Lautem, Matatuto sai zona ida buat sira ne’e tenki ser akontese kamarada sira,” haktuir jerasaun tuan ne’e.

Alende ne’e, sei kria mos kondisaun hanesan infrastutura bee mos ba povu sira ne’ebe mak moris ho vida agrikultor.

Tuir nia governasaun FRETILIN sei dezenvolve mos kondisaun ba sistema saude noedukasaun tanba sistema refere sai prioridade ba programa FRETILIN  bainhira ukun iha VIII Governu Konstituisional.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here