Home dezenvolvimentu FFTL Ofrese Taça HBT ba Aniversariu Loron Restaurasaun

FFTL Ofrese Taça HBT ba Aniversariu Loron Restaurasaun

279
0
SHARE
Jogador Selesaun Nasional Timor- Leste ne'ebe to ona iha Timor - Leste ne'ebe sai primeiru lugar ba taca Hasanal Bholkia Trophy iha Bruney Darusalam. Photo: TTN/Hortencio Saanches

By: Hortencio SANCHES

THETIMOR-NEWS.com, DILI – Taça Hassanal Bolkiah Trophy (HBT) 2018 ne’ebe selesaun Sub-21 Timor-Leste hetan iha Brunei hafoin halakon Kambodia 1-0 iha jogu final, nia taça oferese ba loron aniversariu restaurasaun independensia Timor-Leste.

Prezidenti Federasaun Football de Timor-Leste (FFTL), Francisco Jeronimo agradese ba jogador selesaun nasional ho ekipa treinador ba prestasaun sai kampiaun HBT no taça ne’e oferese ba loron aniversariu restaurasaun ba dala 16.

“Taça ne’e FFTL sei oferese ba estadu no povu Timor-Leste ne’ebe sei komemora loron aniversariu ba restaurasaun independensia Timor-Leste nian ba dala 16 ne’ebe sei komemora iha 20 Maiu,” dehan Francisco Jeronimo ba thetimor-news.com, iha FFTL House, Tersa (8/5/2018), hafoin simu jogador selesaun sira.

Nia hatutan, “Ohin inan aman no ita hotu mai iha fatin ida ne’e hodi fo onra ba ita nia oan sira ne’ebe sai eroi iha mundu desportu ne’ebe hamorin ona ita nia rain nia naran, maibe ita hotu hatene katak ida ne’e laos fasil”.

Prestasaun ne’ebe jogador selesaun sub-21 hetan ne’e hetan rekonesementu hosi governu ne’ebe wainhira to’o hikas iha Dili simu deretamente hosi Primeiru Ministru (PM) Mari Alkatiri.

“Agora daudaun ita nia jogador sira fizikamente preparadu, nune’e hau husu ba hau nia oan sira tenke prepara an diak nafatin atu hamorin nafatin nasaun ne’e,” dehan PM Alkatiri iha Aeroportu Internasional Nicolau Lobato Dili.

Tanba ne’e, nia husu ba jogador hotu atu labele para deit iha ne’e, maibe tenke esforsu an nafatin hodi treinu atu reprezenta nafatin Timor – Leste iha eventu sira tuir mai.

Iha sorin seluk Sekretariu Estadu Desportu Alta Kompetisaun (SEDPAK) Osorio Florindo hatete, bainhira Timor – Leste hetan rezultadu ne’ebe diak laos fasil, maibe liu hosi situasaun ne’ebe difisil.

Jogador selesaun ne’ebe hetan the best player Henrique Martins. Photo: TTN/Hortencio Sanches

“Bola hau sempre dehan hanesan ne’e, bainhira manan Timor – Leste nian, maibe lakon inan aman nian no ida trata nian, maibe agora manan hotu-hotu kontente mais ida ne’e prosesu ida ne’ebe laos fasil lori prosesu naruk,” dehan Osorio.

Jogador selesaun Henrique Martins, ne’ebe sai the best player sente orgullu tamba  nia rasik la espera atu hetan.

“Hau la espera atu hetan ida ne’e, maibe hau uza tatiku ne’ebe durante ne’e hau nia treinador fo mai hau liu-liu treinador ne’ebe mak lori ami ba nia orientasaun tomak mak ohin loron ita hetan primeiru lugar no hau mos sai The Best Player iha jogu ne’ebe halo,” dehan Henrique.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here