Home dezenvolvimentu Prosesu Auditoria Barak Sei Pendente

Prosesu Auditoria Barak Sei Pendente

162
0
SHARE
Prezidente Tribunal Rekursu Deolindo dos Santos. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Prezidente Tribunal Rekursu (PTR) Deolindo dos Santos hatete, prosesu auditoria ba kamara de kontas barak sei pendente. Tanba ne’e TR sei foti dezisaun ne’ebe lais iha tempu besik.

“Ema hotu koalia dehan iha prosesu balun ne’ebe pendente no Tribunal hapara auditoria ne’e lalos, kaak laiha razaun ida atu Tribunal atu hapara prosesu auditoria ba prosesu ida,” dehan Deolindo ba Jornalista hafoin remata sorumutu ho Prezidente Republika Francisco Guterres Lu-Olo iha Palacio Presidencial Bairo Pite Dili, Segunda (07/05/2018).

Nia esplika, TR ezerse funsaun iha auditoria ba kamara de kontas tanba kumpri deit lei no konstituisaun haruka.

“Auditoria sira ne’ebe agora lao sei lao ba oin nafatin no Tribunal sei foti dezisaun tuir buat ne’ebe tuir iha, ne’ebe laiha buat ida dehan para ne’e laiha, atu lais ka kleur dezisaun Tribunal nian sei sai nafatin,” dehan Deolindo.

Nia hatutan, prosesu auditoria laos hanesan prosesu baibain no agora balun iha ona faze kontraditoriu remata hafoin iha relatoriu final.

“Auditoria ne’e ba prosesu sira ne’ebe kamara de kontas aprova iha nia planu anual bainhira halao ona tenke hotu, daudauk ne’e ita hotu kialia kona ba ZEEMS maibe laos ne’e deit, ba parte hotu ne’ebe kamara de kontas hare hela no agora lao hela,” dehan PTR.

Enretantu, iha sorumutu ne’e, nia aprezenta mos servisu TR nian durante ne’e ba Xefe estadu liu-liu kona ba prosesu eleisaun ne’ebe sei lao iha 12 Maiu agora.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here