Home nasional PJR Intrega Ona Krimi Korupsaun ba KAK

PJR Intrega Ona Krimi Korupsaun ba KAK

209
0
SHARE
PJR Jose Ximenes. Photo: TTN/Fidelio Ramos

By: Hortencio SANCHES

THETIMOR-NEWS.com, DILI – Prokuradór Jerál Repúblika (PJR), José da Costa Ximenes hatete, kona-ba krimi korrupsaun Prokuradória Jerál Repúblika entraga ona prosesu 28-29 ba iha Komisaun Anti Korrupsaun (KAK) hodi halo investigasaun.

“Relativamente ho krimi korrupsaun hau hakarak informa katak dadus ne’ebe ita 2017 nian, ita entrega prosesu 28-29 ba ona Komisaun Anti Korrupsaun (KAK). Komisaun Anti Korrupsaun ita avoka tiha fali prosesu ida no Komisaun Anti Korrupsaun termina 23 prosesu durante tinan ida,” dehan José Ximenes ba jornalista hafoin remata sorumutu ho Prezidente Repúblika Francisco Guterres Lu-Olo iha Palacio Presidencial Bairu-Pite, Dili, Segunda (07/05/2018).

Nia haktuir, investigadór 24 prosesu pessoal husi KAK tinan ida sira termina 23 prosesu dentru Ministériu Públiku servisu kombate korrupsaun krimi organizada iha ema na’in 8 ofisial justiza Ministériu Públiku delega kompetensia 33 prosesu sira termina 31 prosesu.

“Agora prosesu sira ne’ebé sira termina ona, KAK termina ona balun ami akuza balun ami halo reinvestigasaun tanba balun mesmu rekomenda atu halo arkivamentu tanba laiha resufisiente,” dehan José.

Nia dehan, 2017 sira nia parte termina ona prosesu hamutuk 109 hanesan Korupsaun no mos kriminalidade organizada.

“Iha fulan ida tinan 2017 Ministériu Públiku termina total prosesu 109 prosesu ba korrupsaun ninia no mós kriminalidade organizada finaliza ne’e balun arkiva balu akuza, agora balun ne’ebé akuza ona ne’e ita bo’ot sira buka tuir took bainhira maka julgamentu ita bo’ot sira buka informasaun  kompleitu ida ne’e,” dehan PJR  José.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here