Home nasional TMR: AMP Hatudu Izemplu Diak ba Demokrasia

TMR: AMP Hatudu Izemplu Diak ba Demokrasia

538
0
SHARE
Lider AMP (Taur, Xanana no Naimori) akompana Cornelio Gama alias L7, hakuak malu iha komisiu AMP ne'ebe halao iha Aeroportu Baucau, Domingu (6/5/2017). Photo: TTN: Evangelisto Santos

THETIMOR-NEWS.com, BAUCAU – Porta voz Koligasaun Aliansa Mudansa ba Progresu (AMP), Jose Vasconcelos alias Taur Matan Ruak (TMR) orgullu bele hamutuk iha AMP tamba hatudu izemplu diak ba demokrasia iha Timor-Leste.

Portavoz AMP, Taur Matan Ruak hato’o nia komisiu iha Kampana AMP ne’ebe halao iha Aeroportu Baucau, Domingu (6/5/2018). Photo: TTN: Evangelisto Santos

Demokrasia ne’e mak AMP hakarak hatudu ba mundu katak, oinsa AMP liu hosi nia militante sira bele komprende festa demokrasia hodi eskolla nia partidu no hadook an hosi asaun violensia, maski militante AMP hetan violensia hosi partidu seluk foin lalais ne’e laos deit iha Munisipiu Viqueque, maibe iha fatin seluk mos.  

“Ita hakarak Timor-Leste naran morin iha mundu, sai izemplu ida demokrasia ba mundu, liliu Azia. Nasaun hanesan ida hanesan Timor-Leste ne’ebe foin ukun an tinan 10 resin, nia iha ambisaun ida bo’ot atu hatudu izemplu ba nasaun ne’ebe ukun an tinan 70. Ne’e so Timor-Leste, laiha seluk tan, liliu AMP iha ambisaun bo’ot hakarak hatudu demokrasia, liliu AMP ne’ebe lidera hosi ami 3, orgullu tamba votante 265 ribu resin,” dehan TMR iha komisiu politiku AMP ne’ebe halao iha Aeroportu Baucau, Domingu (6/5/2018) no hetan partisipasaun kuaze besik militante rihun 20.

TMR esplika, hahalok violensia ne’ebe hatudu hosi partidu balun ba militante AMP tamba failla hosi nia lideransa.

“Nee hatudu saida, lider diak, sidadaun mos diak. Lider aat, nia sidadaun mos aat,” dehan TMR.

Militante AMP kuaze rihun 20 partisipa Kampana AMP iha Aeroportu Baucau, Domingu (6/5/2018). Photo: TTN: Evangelisto Santos

Tamba ne’e nia hosi ba Baucau oan sira atu hili partidu ne’ebe ho lideransa diak no forte hanesan iha AMP. Imi persiza lider no governu forte, iha programa diak no kapasidade hodi implementa.”

AMP wainhira kaer governu, sei loke kampu traballu ba jovem sira, tamba ne’e sai programa prioridade AMP nian ho objektivu bo’ot 3 ba jovem sira ne’ebe AMP kaer metin . “Objektivu bo’ot tolu ne’e mak, moris diak, kria oportunidade hodi dezemvolve ita nia rai, no kria kompetisaun. Iha kompetisaun mak bele hare’e sei mak sai jogador diak.”

Prezidenti AMP, Kay Rala Xanana Gusmao iha nia komisiu ba Kampana AMP ne’ebe halao iha Aeroportu Baucau, Domingu (6/5/2018). Photo: TTN: Evangelisto Santos

Iha kampana AMP ne’e, Prezidenti AMP, Kay Rala Xanana Gusmão apela ba Baucau oan no militante AMP iha Timor-Leste tomak atu kontinua hatudu nia maturidade hodi respeita nafatin ema seluk.

“Husu ba Baucau atu respeita malu, labele provoka, militante AMP sidadaun ne’ebe edukadu, Timoroan ne’ebe diak, matenek, no hatene respeita ema,” dehan Xanana.

Xanana hatutan, partidu ida ne’ebe haruka nia militante ida hodi ba ameasa, estraga, ba tuda ema no uma, partidu ne’e la merese ukun.

Aat liu tan hanesan esperensia KHUNTO ne’ebe partidu balun koko fo osan hodi sosa sira nia partidu nune’e bele kaer ukun.

Prezidenti AMP, Kay Rala Xanana Gusmao. Photo: TTN/Evangelisto Santos

“Partidu ida ne’ebe hakarak sosa partidu seluk sosa ho osan, la merese hetan ita nia konfiansa,” deklara Xanana.

Ho rezultadu iha Eleisaun Parlamentar 2017, ho votos ne’ebe AMP hetan 29.131 (CNRT; 6.208, PLP; 18.947, KHUNTO; 3.976), AMP fiar manan ona Partidu FRETILIN ne’ebe hetan deit votos 26.552.

Hare’e hosi rezultadu eleisaun antes, 2007 FRETILIN hetan 31.303 no iha eleisaun 2012 votos FRETILIN tun ba 27.777.

Editóra: Agida DOS SANTOS I COPYRIGHT THETIMORNEWS © 2018

 

LEAVE A REPLY

Please enter your comment!
Please enter your name here