Home dezenvolvimentu Kalohan: PD Ukun ho FRETILIN Tanba Responsabilidade Nasaun

Kalohan: PD Ukun ho FRETILIN Tanba Responsabilidade Nasaun

1624
0
SHARE
Sekretariu Jeral PD Antonio da Consecao Kalohan koalia hela ho militante PD iha kampo Kulau Becora. Photo: TTN/Hortencio Sanches

By: Hortencio SANCHES

THETIMOR-NEWS.com, DILI –  Sekretariu Jeral Partidu Demokratico (PD) Antonio da Consecao Kalohan afirma, bainhira sira nia pare hamrik hodi ukun hamutuk ho FRETILIN tanba responsabilidade nasaun no tuir moto PD nian ba o Timor Maubere oan pronto servi seim rezerva.

“Kuandu kaer ukun hamutuk ho FRETILIN tanba hola responsabilidade ba vida nasaun ne’e nian, ita labele husik povu namlele hanesan bero iha tasi laran, ita responsavel ba vida nasaun no povu nia  moris tanba ne’e, minute ida deit mos sei la husik liu,” dehan Kalohan iha mini kampaina ne’ebe halo iha kampo Kulau Bekora Postu Administrativu Cristu Rei Dili, Domingu (06/05/2018).

Lider jerasaun foun ne’e dehan, bainhira kaer ukun laos atu hetan deit pozisaun hanesan Deputadu ou Ministru maibe atu servi povu no nasaun liu hosi hola dezisaun ruma ou lori nasaun ne’e ba oin ho diak atu povu labele halerik tan.

“Ministru sira iha PD laos atu sai deit patraun  ou hein ema tu manda maibe tenke hola dezisaun ruma maibe tenke konsistente hodi kaer rasik ukun rasik an defende ita nia soberania, defende ita nia rikusoin,” dehan Antonio.

Daudauk ne’e iha partidu politiku balun mos iha sira nia kompremisiu politiku promete defende riku soin nasaun nian. Tanba ne’e Kalohan hatete, Timoroan se deit kaer ukun iha responsablidade tomak hodi defende riku soin nasaun nian laos partidu balun deit mak atu defende.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here