Home dezenvolvimentu Governasaun PD Sei Tau Prioridade ba Artista

Governasaun PD Sei Tau Prioridade ba Artista

78
0
SHARE
Prezidente PD Mariano Assanami Sabino koalia hela iha mini kampaina PD nian ne'ebe halo iha Kampo Kulau Becora. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Partidu Democratico (PD) liu hosi  Prezidente  Mariano Assanami Sabino hatete, bainhira kaer ukun sei tau prioridade mos ba Artista sira nune’e bele dezenvolve diak liu tan talentu ne’ebe joven sira iha.

“Ita tenke dezenvolve mos Artista sira, sira  ne’ebe kanta dor sira, sira ne’ebe pinta dor sira, sira ne’ebe arte marsiais sira ne’e hotu ita tenke dezenvolve tanba sira ne’e mos riku soi nasaun nian laos nega fali siraa hanesan fali buat at id aba nasaun,” dehan  Assanami iha  mini kampaina ne’ebe halo iha kampo Kulau Becora Postu Administrativu Cristo Rei Dili, Domingu (06/05/2018).

Alende ne’e, partidu ho numeru sorteu rua ne’e hakarak dezenvolve mos iha area infrastrutura ne’ebe diak ba povu, haasae salariu ba  profesores no funsionariu tomak.

“Ita lakoi tan Profesor sira kontratadu sira tenke saai permanente para dignu no hasae hotu sira nia salariu, laos sira deit hasae mos saalariu ba Funsionariu hanesan doutor infremeiru,” dehan lider foin sae ne’e.

Entretantu nia husu mos ba veteranus no ferik katuas hotu labele tauk bainhira ema ruma ameasa atu vota ba sira.

“Inan  aman ferik katuas veteraanus sira lalika tauk bainhira ema rua mai ameasa imi, lalika tauk buat sira ne’e hotu hametin ona iha konstituisaun, PD hakarak tan mak ne’e imi nia pensaun tenke hasae hotu,” dehan Assanami.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here