Home dezenvolvimentu Kalohan: Plaza Terseiru Sei Hari Iha Becora

Kalohan: Plaza Terseiru Sei Hari Iha Becora

330
0
SHARE
Sekretariu Jeral PD Antonio da Consecao Kalohan koalia hela ho militante PD iha kampo Kulau Becora. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Partidu Democartico  (PD) liu hosi  nia Sekretariu Jeral Antonio da Consecao Kalohan hatete, daudauk ne’e sira nia parte buka hela espasu atu nune’e bele hari Plaza terseiru iha Becora nune’e bele sai sentru ba komersial.

Militante PD ne’ebe partisipa no rona hela liafuan ne’ebe lider PD sira koalia. Photo: TTN/Hortencio Sanches

“Kona ba  Plaza ne’ebe atu hari iha Becora akordu assina tiha ona, ne’ebe difikuldade ita nian agora tenke buka espasu rai atu halo Plaza terseiru iha Becora ne’e, bainhira ita koalia hanesan ne’e sira hanoin dehan ita mehi, maibe  ministeriu ida ne’ebe hau kaer iha fulan ne’en ne’e, assina tiha ona akordu ho setor privadu independente ne’ebe atu implementa obra ne’e,” dehan  Kalohan iha mini kampaina ne’ebe halo iha Kampo Kulau Becora Postu Administrativu Cristo Rei Dili, Domingu (06/05/2018).

Nia dehan, politiku PD nian hakarak loke ekonomia luan no lakoi ekonomia hamutuk deit iha fatin ida atu nune’e populasaun hotu bele goza ukun rasik an ho vida ne’ebe diak.

Alende ne’e, Partidu ho numeru sorteiu rua ne’e hakarak dezenvolve area hotu ne’ebe importante hanesan Agrikultura, Turismu, Edukasaun diak ba labaraik, Saude ne’ebe diak  ba ema hotu.

“Bainhira ita dezenvolve area  sira hanesan Agrikultura, Turismu loke sentru komersial sira rendimentu tama ona ba estadu no ita la depende beibeik ba osan mai hosi mina rai tanba  loron ida sei maran,” dehan Kalohan.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here