Home dezenvolvimentu Oesilo Sei Nabilan Hanesan Pante Makasar

Oesilo Sei Nabilan Hanesan Pante Makasar

128
0
SHARE
Sekretariu Jeral FRETILIN Mari Alkatiri hato'o hela programa ba militate sira iha kampaina politiku. Photo: TTN/Hortencio Sanches

By: Fidelio RAMOS

THETIMOR-NEWS.com, Oesilo – Sekretariu Jeral FRETTILIN Mari Alkatiri promote tempu besik Oesilo sei nabilan hanesan Pante Makasar atu nune’e povu hotu bele assesu ba Dezenvolvimentu ne’ebe lao hela iha  rai ketan ne’e.

Alkatiri hato’o lia hirak ne’e iha komisiu politik ba dala 18 iha Postu Administrativu Oesilo, Autoridade Rejiaun Administrativu Espesial Oecuse Ambeno (RAEOA),  Sabadu (05/05/2018).

“Ohin hau mai iha ne’e atu haree dezevovimentu tanba ne’e dezenvolvimentu husi pantemakasar ba oesilo iha tempu badak,  Oesilo sei sai sidade ida nabilan hanesan mos ho Pante Makasar, maibe hare’e mos Pasabe no Nitipe dadauk ne’e dezenu iha no  prontu ona atu lori nabilan ne’e hodi dezenvove hotu Oecusee laran tomak,” dehan Aktual Primeiro Ministro ne’e.

Tanba ne’e, nia husu ba povu Oesilo vota ba FRETILIN no lalika fiar ema lori lia bosok hodi bosok liu-liu profeta  falsu sira ne’ebe gosta lohi povu hodi hare fali ba pasadu.

“Tenki hatene hateke ba oin atu kore povu husi kiak no mukit ne’e mak FRETILIN nia vizaun atu hare’e ba oin, agora mos iha ema balu nega ona eroi no martires ne’ebe mak durante ne’e fo an ba mate durante iha prosesu rezistensia, ho nune’e mak hau dehan kamarada sira oras to’o ona ba maluk sira hotu atu vota FRETILIN no lori FRETILIN ba VIII Governu,” dehan Alkatiri.

Alende ne’e, nia kompromete baihira FRETILIN kaer ukun sei loke hikas merkadu Freonteira tanba  Oesilo besik malu ho Kefa Indonezia nune’e bele sai amigo diak ba malu.

“To’o agora seidauk iha akordu kuandu kaer Governu ukun tomak akordu ne’e sei halo para oinsa loke merkadu iha fatin refere,” dehan  Lider masimu FRETILIN ne’e.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here