Home dezenvolvimentu Kaer Governu, FDD Sei Halakon Projetu ZEEMS

Kaer Governu, FDD Sei Halakon Projetu ZEEMS

2046
0
SHARE
Prezidente KPN FDD, Agustinho Gomes. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Prezidente Komisariu Politiku Nasional (KPN) Bloku koligasaun Forum Dezenvolvimentu Demokratiku (FDD) Agustinho Gomes hatete, bainhira povu fo fiar ba partidu refere kaer Governu sei halakon projetu bo’ot hanesan Zona Ekonomia Espesial  Merkadu Sosial (ZEEMS) no loke deit prozetu dada be’e mos no halo estrada ba komunidade.

MIlitante FDD ne’ebe partisipa iha kampaina FDD ne’ebe halo iha Tasi-Tolu Dili. Photo: TTN/Hortencio Sanches

“FDD mai ho nia programa ne’ebe klaru, ami laos man i halo promesa maibe hatudu realidade hanesan halo estrada ba komunidade fo mesin pura be’e mos ba komunidade sira mesin ne’e laos kualker, tanba ne’e FDD tau  prioridade liu ba povu nia moris, bainhira imi povu fo fiar ba FDD kaer ukun Projetu bo’ot hanesan ZEEMS ne’e tenke halo lakon tia ZEEMS labele hali to munisipiu sira para deit iha ne’eba ona,” dehan Agustinho ba Militante FDD  iha kampaina ne’ebe halo iha Tasi-Tolu Dili, Sabadu (05/04/2018).

Nia esplika, Projeitu ne’ebe mak FDD realiza bainhira kaer ukun hakarak lori povu sai hosi  mukit no kiak hanesan agora daudauk sira implementa ona iha fatin barak maibe sei minimu.

“Maluk sira  buat ne’ebe agora FDD halo ne’e sei kikoan tanba tuir ita nia kbit, hakarak halo bo’ot mak ita tenke kaer Governu  foin mak halo buat ne’ebe bo’ot hodi responde ba povu nia halerik,” dehan Agustinho.

Prezidente KPN Agustinho Gomes no nia espoza Photo TTN/Hortencio Sanches

Entretant projetu bo’ot hanesan tasi mane  sei la taka  arbiru tanba sei kordena ho lider masimu sira tanba  ida ne’e  fo benefisiu ne’ebe diak ba povu.

“Projetu ida tasi mane, atu taka ita mos sei kordena diak ho maun bo’ot sira oinsa mak atu kontinua ou lae maibe ida  ZEEMS ne’e mak tenke halo lakon,” dehan Agustinho.

Alende ne’e, nia kompromete bainhira FDD liu bareira hodi tur iha Parlamentu Nasional ou Governu nia parte sei la ba sai  hanesan membru Governu ou  Deputadu.

“FDD manan hau sei la ba tur sai bo’ot, ami sira la ba ne’e sei   iha liur hodi  akompaina ita nia maun sira kuandu ukun lalos ou halo korupsaun ita tenke lori ba Bekora tanba halo moe no halo foer FDD nia  naran,” dehan Nia.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here