Home dezenvolvimentu Jornalista Tenke Hato’o Informasaun Ne’ebe Los

Jornalista Tenke Hato’o Informasaun Ne’ebe Los

163
0
SHARE
Jornalista Radio Labeh Mario Lobo. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – 3 Maiu hanesan lorn istoriku ba liberdade Imprensa ne’ebe mundu tomak selebra inklui Timor – Leste. Tanba ne’e Jornalista hosi Radio Labeh Mari Lobo hatete, hatenesan Jornalista kontinua brani hato’o informasaun ne’ebe los ba publiku.

“Hau sente loron ida ohin importante tebes ba  Jornalista  sira hotu iha mundu tomak liu-liu Timor –  Leste, nune’e ita Jornalista mak sai hanesan ponte ba informasaun atu hato’o informasaun ne’ebe lolos ba publiku, labele hakiduk no tauk atu hato’o informasaun ne’ebe mak los ba publiku,” dehan Lobo ba THETLIMOR-NEWS bainhira partisipa iha komemorasaun loron Liberdade Imprensa ne’ebe halo iha Jardin 5 de Maiu Colmera Dili, Kinta (03/04/2018).

Jornalista RTTL Laurindo Raja Haba. Photo: TTN/Hortencio Sanches

Iha fatin hanesan Jornalista Radio Telivizaun Timor – Leste Laurindo Raja Haba sente orgullu ba liberdade imprensa iha Timor – Leste lao diak tebes kompara ho nasaun seluk sira hanesan Indonezia Thailand no seluk tan iha sudeste Aziatiku ne’ebe seidauk fo liberdade diak ba media hodi halo knar.

“Iha Timor – Leste ita hare liberdade imprensa lao diak tebes kompara ho nasaun seluk sira ita liberdade makas tebes ba Jornalista sira hodi halo knar,” dehan Raaja Haba.

Tanba ne’e, nia husu ba Jornalista hotu iha Timor- Leste kontinua kontente no orgullu nafatin hodi halo servisu ne’ebe ho professional no neutralidade nune’e bele fahe informasaun diak ba povu tomak.

Nia dehan, liu hosi informasaun ne’ebe fo sai bele kria estabilidade no balun mos hamosu instabilidade, nune’e Jornalista tenke fo sai  buat ne’ebe los.

Iha oportunidade ne’e, nia husu ba Jornalista hotu forsa nafatin hodi halo servisu maski ho salariu ne’ebe la sufisiente maibe tenke halo knar ho professional hodi kontribui ba nasaun ne’e nune’e ba futuru ne’ebe diak no povu bele moris hakmatek.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here