Home dezenvolvimentu Governasaun FRETILIN Sei Kria ZEEMS Iha Atauro

Governasaun FRETILIN Sei Kria ZEEMS Iha Atauro

710
0
SHARE
Sekretario Jeral FRETILIN Mari Alkatiri. Photo: TTN/Hortencio Sanches

By: Fidelio RAMOS

THETIMOR-NEWS.com, Atauro – Sekretariu Jeral FRETILIN Mari Alkatiri kompromete bainhira manan maioria iha eleisaun antesipada, nia Governasaun sei halo lei ida hodi loke mos Zona Ekonomia Espesial Sisial Merkadu (ZEEMS) iha rai ketan Atauru atu nune’e bele sai nabilan mos hanesan Oecuse.

“Hau mai Atauru, hau hanoin los tanba atu hahu sai hanesan Oecuse mos maibe bainhira iha tinan tolu ba kotuk bainhira hau tama Oecuse sai nabilan tia ona, maibe agora seidauk mai atauru laos hau nia sala maibe hau husu Governu ida ukun tinan 10 ne’e para atu halo lei ida atu defini Atauro maibe to’o agora laiha tanba ne’e mak hau seidauk tama iha Atauru hodi halo saida mak povu nia hakarak, maibe kuandu wainhira ami kaer ukun sei kria ZEEMS iha atauro,” dehan Alkatiri iha kampaina ne’ebe halo iha Atauro, Tersa (01/05/2018).

Lider ne’e afirma, bainhira kria ZEEMS iha Atauro sei hadia uluk kondisaun Sistema infrastrutura hanesan, estrada, dada  be’e mos no kria mos kondisaun hodi satan uda be’en nune’e iha tempu bailoron bele uza.

Alende ne’e, koalia mos kona ba Peska no Turismu tanba rai ketanne’e ihapotensial bo’ot tebes maibe seidauk dezenvolve ho diak atu nune’e bele hadia povu nia moris no hatama rendimentu ba estadu.

“Ita tenki halo peska ida ho kontrola, iha 2014-2015 hahu halo ona planu ordenamentu teritorial maibe ami hein desizaun mai husi Governu sentral nunka desidi se mak antes ne’e desidi los ona hau hanoin atauro mos sektor peska bele lao ba oin hodi dezenvolve povu nia moris ,” dehan Alkatiri.

Daudauk ne’e, fatin Turismu barak iha Atauro abandona lider masimu FRETILIN ne’e dehan, “Turizmu oioin hanesan kultural relizioza no historiku maibe kamarada sira  dalaruma hau hare balu mai halo turizmu iha ne’e ladun respeitu kultura no ambiente Atauru nian, maibe iha atauru iha mos  relijiaun tolu ou haat mak moris hamutuk iha ne’e signifika toleransia bot tebes”.

Iha fatin hanesan reprezentante juventude FRETILIN postu administrativu aturo Joanico dos Santo hatete, sira nia parte sei fo votus maioria ba programa FRETILIN iha eleisaun antisipa.

“Ami sei fo votus masimu ba programa FRETILIN iha eleisaun ne’e tanba bainhira manan sei re-ativa fali artemarsiais no kria kondisaun dezenvovimentu baze tomak ba povu,” dehan Joanico.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here