Home dezenvolvimentu FRETILIN Apresia Timoroan ne’ebe Servisu iha Estranjeiru

FRETILIN Apresia Timoroan ne’ebe Servisu iha Estranjeiru

4571
0
SHARE
Militante FRETILIN ne'ebe partisipa iha kampaina ne'ebe halo iha kapital Gleno. Photo: TTN/Hortencio Sanches

By: Fidelio RAMOS

THETIMOR-NEWS.com, DILI – Partidu FRETILIN liu hosi Sekretariu Jeral Mari Alkatiri hato’o apresiasaun ba traballador Timoroan ne’ebe  daudauk ne’e servisu iha estranjeiru hanesan Inglatera, Irlandia Korea no Australia tanba bele ajuda ona ekonomia ba familia sira no kontribui ba nasaun.

Sekretariu Jeral FRETILIN Mari Alkatiri hato’o hela programa ba militate sira iha kampaina politiku. Photo: TTN/Hortencio Sanches

Tanba ne’e, bainhira kaer  ukun FRETILIN sei tau nafatin atensaun ne’ebe masimu ba Joven sira hodi halo servisu iha fatin ne’ebe deit ho kondisaun ne’ebe dignu.

“Kamarada sira  tuir dadus joven traballador feto mane kuaze 20 mil hansa ne’e mak dadauk ne’e hala’o hela servisau tanba ne’e kamarada sira ami sei kopera malu ho nasaun hotu  oinsa atu halo tratamentu sosial dignu atu haruka osan mai familia hodi hatun mos taxa ne’ebe mak sira selu iha neeba hodi hamenus oitoan,” dehan Alkatiri iha komisiu FRETILIN ne’ebe halo iha kampo futebol, kampong Baru Dili, Kuarta (02/05/2018).

Nia hatuan, Governasaun FRETILIN sei tau atensaun mos ba Joven sira hotu liu-liu estufante hirak ne’ebe iha kapasidade diak hodi halo estudu.

“Estadu tenki fo atensaun no fo kondisaun ba joven sira  ne’ebe mai husi munisipiu atu iha fatin ba estuda ho diak, tanba realidade dadauk ne’e joven sira ne’ebe mak agora ba korea, inglatera, irlandia, tanba fatin estudu ladiak to remata duni iha eskola sekundaria hodi buka rasik dalan servisu maibe konsege servisu diak tanba ne’e hau apresia sira tanba sempre ajuda fo kontribuisaun bo’ot makas ba sira nia familia ne’e signifika sira nia abut metin nafatin iha nasaun ne’e,” dehan Alkatiri.

Nia promote, bainhira FRETILIN lidera VIII governu sei rezolve lalais kestaun refere nune’e labele haterus tan joven sira no sei kopera malu diak ho nasaun seluk atu hamenus taxa ne’ebe mak trabalhador sira selu iha rai liur.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here