Home dezenvolvimentu Alkatiri: Agrikultura Tenke Buras iha Timor – Leste

Alkatiri: Agrikultura Tenke Buras iha Timor – Leste

585
0
SHARE
Sekretariu Jeral FRETILIN Mari Alkatiri hato'o hela programa ba militate sira iha kampaina politiku. Photo: TTN/Hortencio Sanches

By: Fidelio RAMOS

THETIMOR-NEWS.com, DILI – Sekretariu Jeral Partidu Frente Revolucionaria Timor-Leste Independente (FRETILIN) Mari Alkatiri hatete, bainhira manan maioria liu hosi povu nia konfiansa iha eleisaun antisipada kaer Governu sei dezenvolve sektor agrikultura ida buras iha Timor-Leste atu nune’e labele depende deit ba produtu ne’ebe mai hosi rai liur.

Alkatiri haklaken lia hirak ne’e iha kampaina politika ba dala 16 ne’ebe, halao iha kampo futebol kulau Postu administrativu Cristo Rei, Segunda 30/04/2018).

“Labele hein sosa deit sasan  ne’ebe mak hatama husi  liur hodi han tanba agora ita iha merkadu barak atu fan sasan, produtu lokal rai laran laiha tanba ne’e bainhira FRETILIN manan kaer ukun sei dezenvolve buras liu para nune’e bele loke mos servisu ba joven sira,” dehan Alkatiri.

Atu dezenvolve setor ne’e ho diak lider ne’e dehan, tenki iha politiku no kapasidade atu kria sistema agrikultura maibe tenki presiza kria mos kondisaun  be’e mos hodi halo natar atu nune’e kada tinan bele halo dala rua ou  tolu, nune’e bele ajuda povu hases an husi kiak.

“Ita tenki iha politik diak atu hadia duni buat sira ne’e tanba bainhira turizmu atu vizita ita nia rai mos presiza iha sistema diak hotu tamba sira mai saude bee mos la diak sira mai mos lae loron ida rua ou tolu sira fila liu ona tanba kondisaun la diak,”  dehan Alkatiri.

Alende ne’e, sei dezenvolve mos turizmu iha kapital Dili no loke mos formasaun ba joven sira  iha area turizmu hodi joven sira halo servisu ho profisional tamba agora joven barak hakarak partisipa iha dezenvolvimentu tanba ne’e iha futuru FRETILIN sei kria kondisaun.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here