Home dezenvolvimentu PD Sei Tau Prioridade ba Edukasaun-Saude

PD Sei Tau Prioridade ba Edukasaun-Saude

211
0
SHARE
Sekretariu Jeral PD Antonio da Consecao Kalohan koalia hela programa ba militante sira. Photo: TTN/Hortencio Sanches

By: Hortencio SANCHES

THETIMOR-NEWS.com, Liquiça – Sekretariu Jeral Partidu Demokratiku (PD) Antonio da Consecao hatete, bainhira povu fo konfiansa masimu ba partidu refere hodi kaer ukun sei tau prioridade ba setor saude no edukasaun atu aselera dezenvolvimentu.

Sekretariu Jeral PD Antonio da Consecao Kalohan koalia hela programa ba militante sira. Photo: TTN/Hortencio Sanches

“PD aposta nafatin ba programa ida ne’ebe mak lao hanesan tau edukasaun sai prioridade ne’ebe as hodi eduka ita nia oan sira hatene le no hakerek atu nune’e edukasaun ba ema hotu, edukasaun labele sai projetu maibe edukasaun sai hanesan oportunidade ida ba Timoroan tomak,” dehan Kalohan ba militante iha kampina PD nian ne’ebe halo iha Kampo Futebol Liquica Vila, Sexta (28/04/2018)

Tanba ne’e, PD sei defende orsamentu ne’ebe bo’ot hodi aloka ba area edukasaun atu hasae liu tan kualidade.

“PD sei aposta orsamentu ho 12%, tanba ohin loron ninian ho deit 6% , ne’e mak PD luta, ita hare eskola barak laiha haris fatin laiha aula meza kadeira ne’ebe diak ba labarik sira hodi aprende ida ne’e mak ita tenke hadia no tau osan barak ba iha ne’eba,” dehan Kalohan.

Militante PD ne’ebe patrisipa hela kampaina iha munisipiu Liquica. Photo: TTN/Hortencio Sanches

Alende ne’e, koalia mos kona ba Sistema saude ne’ebe daudauk ne’e lao ho kondisaun ladun diak nune’e lider PD ne’e promote, ba oin bainhira kaer ukun hakarak hadia hotu Sistema ne’ebe lao ladiak iha saude.

“Dezenvolvimentu ita nian ne’e seidauk ekilibradu, saude setor ida ne’ebe importante atu ita nia inan sira labele mate iha deit sira nia uma tanba falta tratamentu no aimoruk, ita mos lakoi sira ne’ebe atu partus mate tan deit laiha atendimentu ne’ebe la diak,” dehan Antonio.

Nia hatutan, iha Governasaun PD sei tau orsamentu ho 15% ba setor saude atu nune’e bele hadia diak liu tan area saude iha Timor – Leste nune’e bele hakbesik diak liu tan saude ba povu iha aldeia no suku sira.

EditórA: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here