Home dezenvolvimentu Liquiça Tenke Sai Sentru ba Turizmu

Liquiça Tenke Sai Sentru ba Turizmu

289
0
SHARE
Prezidente PD Mariano Assanami Sabino koalia hela programa partidu nian ba militante sira iha munisipiu Liquica. Photo: TTN/Hortencio Sanches

By: Hortencio SANCHES

THETIMOR-NEWS.com, Liquiça – Partidu Demokratiku liu hosi nia lideransa masimu Prezidente Mariano Assanami Sabino hatete, Liquiça tenke sai hanesan sentru ba Turizmu banba fatin istoriku barak no fatin ida ne’ebe besik kapital Dili.

“Fatin Liquica ne’e ita tenke dezenvolve tanba iha Sabdu no Domingu ema sempre mai pasiar entaun ita tenke dezenvolve, ita tenke apresia tenke foti sae promove Liquica sai fatin ba turistiku nian,” dehan Assanami ba militante iha kampina PD nian ne’ebe halo iha Kampo Futebol Liquica Vila, Sexta (28/04/2018).

Militante PD ne’ebe patrisipa hela kampaina iha munisipiu Liquica. Photo: TTN/Hortencio Sanches

Nune’e nia dehan, tenke dezenvolve mos Turismu religiozu hanesan Masakre Liquica no igreja hotu ne’ebe eziste iha Liquica.

“Area sira ne’e hotu ita tenke dezenvolve ho diak tanba faze ida mos ba turistiku, ita mos tenke dezenvolve Turismu ho baze istoriku, ita iha fatin sira ne’ebe ita nia ian aman avo sira ema kastigu iha Benten ida iha Maubara, Komarka Aipelu, fatin sira ne’e hotu bele hatam osan ba esatdu bainhira ita dezenvolve ho diak,” dehan Assanami.

Tanba ne’e nia esplika, bainhira fatin hirak ne’e dezenvolve sei loke kampo traballu ba Joven Liquica sira no ema hosi mos fatin seluk.

Prezidente PD Mariano Assanami Sabino koalia hela programa partidu nian ba militante sira iha munisipiu Liquica. Photo: TTN/Hortencio Sanches

“Kompaineru sira ita mos sei dezenvolve fatin sira ne’ebe kona ba baze rezistensia nian, iha Bazartete fatin ida ne’ebe ita nia aman bo’ot  ida Nicolau Lobato nia fatin, fatin sira ne’e ita tenke konserva atu nune’e  ema seluk bele mai hare, iha fatin sira ne’e inan sira ne’ebe simples maibe hahoris eroi sira ne’ebe bobo’ot, tanba ne’e ita orgullu mos ba fatin sira ne’e uluk ain fatin ba ita nia eroi sira,” dehan Assanami.

Alende ne’e, Liquica mos iha potensial ba agrikula nune’e ba oin PD hakarak apoiu makas atu nune’e bele hase produsaun ne’ebe diak.

“Liquica mos iha potensial ba agrikula, hanesa Loes Gisu fatin ne’ebe luan ida ne’e ita  tenke fo apoiu, fo apoiu mos hakiak animal, apoiu rehablita mos kafe iha Liquica atu nune’e bele hadia diak liu tan povu maubere nia moris no hatam rendimentu ba estadu,” dehan lider foin sae ne’e.

EditórA: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here