Home dezenvolvimentu Komunidade Aldeia Berain Seidauk Assesu Be’e Mos

Komunidade Aldeia Berain Seidauk Assesu Be’e Mos

275
0
SHARE
Inanferik ne'e hit hela be'e ne'ebe nia ense iha masa atu lori ba uma ne'ebe ho distansia dok. Photo: Spesial

By: Fidelio RAMOS

THETIMOR-NEWS.com, Manatuto –  Komunidade husi aldeia Berain postu Administrativu Manatutu vila Munisipiu Manatutu durante iha tempu ukun seidauk asesu bee mos.

Preokupasaun hirak  ne’e hato’o direita husi reprezentate komunidade Manatutu Lucas Soares ba sekretariu jeral partidu Frenti Revolucionariu Timor-Leste Independensia (FRETILIN) Mari Alkatiri iha aldeia Berain,Kuarta (25/04/2018), bainhira eis organizasaun husi PSHT hala’o deklarasaun hodi apoiu fretilin iha eleisaun antisipada 2018.

“Ami rende husi ailaran mai rai Manatutu hela tan iha ema nia rai  senti hansa seidauk ukun-an ami terus hansa iha ai laran hela se FRETILIN manan hare hela ba ami nia terus ne’e, tanba be’e laiha uma mos at uma mesak hanesan kalen lixu sira deit,” dehan Lukas Soares.

Nia dehan, Governu anterior ukun  durante tinan 10 nia laran komunidade sira nia uma barak mak sei tau ho kalen ne’ebe mak  ladun diak bainhira anin no udan baku sei fo impaktu.

Be’e laiha fo mos impaktu ba labarik estudante sira tenki obriga lao ain ba mota ho distansia ne’ebe mak dok pior liu tan mak  to’o iha ne’eba  mota foer pasensia hodi haris no fase oin hodi ba iskola.

Hatan ba kestaun ne’e fundador RDTL Mari Alkatiri promete sei haruka lalais diresaun nasional SAS tun direitamente hodi atende lalais kestaun ne’e, tanba be’e mos importante ba komunidade sira atu utiliza ba nesesidade.

“Problema laos imi mesak deit kuaze iha nasaun ne’e  70%  mak nafatin ho problema ne’e, maibe kestaun hirak ne’e tama hotu iha progrma VII  governu tanba ne’e hau husu ba imi vota FRETILIN para hadia moris ne’ebe iha,” dehan Alkatiri.

Entertantu iha biban ne’e simu mos afiliasaun balun husi partidu CNRT, CASDT no FM hamutuk efetivu ema nain 70 hakarak apoiu FRETILIN iha eleisaun antisipada.

“Partidu hotu hanesan maibe ami hakarak afilia ba FRETILIN tanba bele hit-an to’o iha ami knua haree direita ami nia difikuldade depois ami haree foin kaer ukun fulan 6 deit mos bele realiza ona servisu balun iha nasaun ne’e tanba ne ami deklara fo apoiu masimu iha eleisaun mai ne’e sei sai vitoria,” dehan reprezentante afiliasaun CNRT Alberto dos Santos.

EditórA: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here