Home dezenvolvimentu FRETILIN Promete Hadia Irigasaun Iha Manatuto

FRETILIN Promete Hadia Irigasaun Iha Manatuto

102
0
SHARE
Sekretario Jeral FRETILIN Mari Alkatiri. Photo: TTN/Hortencio Sanches

By: Fidelio RAMOS

THETIMOR-NEWS.com, Laklubar – Frente Revoluciaonaria Timor – Leste Independente (FRETILIN) liu hosi Sekretariu Jeral Mari Alkatiri hatete, Manatuto iha potensial bo’ot ba agrikultura liu-liu natar. Tanba ne’e bainhira povu fo konfiansa ba FRETILIN manan iha eleisaun sei hadia uluk irigasaun atu nune’e bele hasae diak liu tan kualidade produsaun.

Lider masimu FRETILIN hato’o liaa hirak ne’e iha kampaina FRETILIN nian ne’ebe halo iha Postu Administrativu Laklubar Munisipiu Manatuto, Kuarta (24/04/2018).

“Manatuto potensia bo’ot tebes ba natar foin lalais hau mai vizita hanesan Primeiru Ministru sira dehan irigasaun ladun diak tanba rai henek nakonu  pois hau to’o ba dili haruka kedas  maki mai hamos agora diak ona,” dehan Alkatiri.

Laklubar hanesan postu administrative ne’ebe iharai klaran Manatuto nian ne’ebe dezenvolvimentu sei hakdasak, Alkatiri dehan bainhira manan maioria sei halo dezenvolvimentu diak ba Laklubar.

Entretaantu, iha fatin refere mos seidauk iha merkadu atu komunidade sir abele fan sira nia produtu.

“Buat sira ne’e hotu bainhira haut un ba Dili sei haruka ministeriu kompotente ida atu nune’e bele haruka ekipaamentu lalais atu halo planu estratejiku atu kria lalais merkadu ida maske oras ne’e daudaun Governu uza deit osan duadesimu,” dehan Alkatiri.

Alende ne’e, dezenvolvimetu infrastrutura iha area ne’e sei dauk dezenvolve hanesan estrada ne’ebe daudauk ne’e iha kondisaun ne’ebe grave tebes.

“Estrada iha ne’e mos seidauk diak ne’e duni husu imi atu vota ba FRETILIN iha eleisaun agora atu hadia buat sira ne’e hotu,” dehan Alkatiri.

EditórA: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here