Home dezenvolvimentu Dezenvolve Peska-Agrikultura Presiza Politika Diak

Dezenvolve Peska-Agrikultura Presiza Politika Diak

243
0
SHARE
Sekretario Jeral FRETILIN Mari Alkatiri. Photo: TTN/Hortencio Sanches

By: Fidelio RAMOS

THETIMOR-NEWS.com, Liquiça FRETILIN liu hosi Sekretariu Jeral Mari Alkatiri hatete, Munjsipiu Liquiça iha pontensialidade bo’ot  ba peskas no agrikultura maibe laiha mudansa, ne’e duni tenke iha politika ne’ebe diak hodi dezenvolve.

“Liquiça mos hola parte iha pontesialidade peskas no agrikultura maibe peskas iha fatin ne’e hakdasak tanba ita mak laiha politik hodi halo peskas no agrikultura hamutuk hodi bele fo nesesidade diak  ba povu,” dehan Alkatiri iha kampaina ne’ebe halo iha kampo futebol  Munisipiu  Liquiça, Segunda (23/04/2018).

Alende ne’e,Liquiça  mos iha potensialidade ba Turismu hanesan lagoa Maubara presiza dezenvolve no  edifisiu antigun sira mos presiza halo rehabilitasaun atu nune’e bele atria turista sira mai vizita.

Tanba ne’e nia esplika, bainhira ekonomia atu lao tenki iha kondisaun hodi konvida investedor sira mai iha Liquiça atu kuda osan buras ba povu no loke servisu ba joven sira.

Entretantu, Liquiça halo parte mos ekonomia ho kafé maibe laiha politik ida atu haburas kafé tanba VII Governu hakarak halo tratamentu lalais hodi hadia kualidade produsaun iha merkadu.

“Kafe folin diak kafe mos didiak oitoan uluk mai hela sei ki’ik kafé arabi mesak bo’ot deit agora sai kikoan fali tanba ne’e presiza troka nia hun tenki iha politik, tanba kafé laku mos importante maibe ita iha tendensia oho laku tanba ne’e labele oho presiza hakiak barak liu tan liu hosi laku nia ten ida kafé ne’e folin  diakliu,” dehan lider FRETILIN ne’e.

Nune’e, nia husuba povu Liquiça hotu oras to’o ona atu vota ba FRETILIN hodi hadia ekonomia, edukasaun, saude agrikultura no seluk tan atu buras liu no fo naromak ba  povu tomak.

“Hau mai ne’e hamutuk ho povu Liquiça hateke ba oin no mai ho programa ida ke hahu atu implementa, programa VII Governu maibe ita atu hahu implementa iha ema balun la gosta buka atu hadau deit poder lakoi respeita povu nia votu buka hadau poder dehan sira mak halo hotu maibe programa ne’e atu hahu prosesu hasai povu hosi mukit,” dehan fundador RDTL ne’e.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here