Home dezenvolvimentu José Reis: Alkatiri Badaen Diak ba Povu

José Reis: Alkatiri Badaen Diak ba Povu

561
0
SHARE
Adjunto Sekretariu Jeral FRETILIN Jose Reis. Photo: TTN/Hortencio Sanches

By: Fidelio RAMOS

THETIMOR-NEWS.com, Liquiça – Adjuntu Sekretariu jeral partidu Frente Revolucionaria Timor-Leste Independependente (FRETILIN), José Reis hatete, ema ne’ebe atu sai badaen diak ba povu mak Sekretariu Jeral  FRETILIN Mari Alkatiri.

Tanba ne’e, nia husu ba Liquiça tenke 90% vota ba FRETILIN atu manan maioria iha eleisaun antesipada.

“Fanun kamarada sira husi Liquiça, Maubara no Bazartete tanba rai ida ne’e hahoris ho brani ne’ebe importante, ita hare ema ne’ebe atu sai badaen ba povu no libertasaun da patria ida ne’e mak Dr. Mari Alkatiri tan ne’e, hau husu imi vota FRETILIN iha eleisauna antesipada,” dehan José Reis iha kampaina ne’ebe halo iha Munisipiu Liquiça, 23/04/2018).

Daudauk ne’e, iha lider balun  komesa nega ona  luta Saudozu Nicolau Lobato nian, lider FRETILIN ne’e dehan, tempu to’o ona atu fanun  Liquiça  oan hotu atu hader vota ba FRETILIN hodi hadia sasan hirak ne’ebe  durante ne’e lao la  los.

“Iha tinan hirak ba kotuk ema balu fo sala Dr. Mari tanba hari sentru instrusaun Nicolau Lobato iha metinaru no aeroportu Nicolau Lobato Comoro tanba ema balun dehan aswain seluk laiha ka maibe la buat ida, Mari kontinua iha razaun bo’ot,” dehan José Reis.

Alende ne’e, lider FRETILIN ne’e haktuir mos katak, Fundador Alkatiri tenta halo balansu no jestaun atu labele hari ditadura iha Timor – Leste, halo jestau atu hametin deit estadu demokratiku iha nasaun ne’e.

Iha fatin hanesan reprezentante juventude FRETILIN Munisipiu Liquiça Andre Lobato dehan, sira prontu organiza malu no lao tun ba baze hodi hametin estrutura atu ema hotu vota ba FRETILIN iha  eleisaun antesipada.

“Durante tinan 10 ukun la hanoin liu ami povu sira nia terus ami la hatene los osan minarai nasaun ne’e nian ba hotu iha ne’ebe los tanba ne’e ami garantia FERTILIN iha Liquiça manan tia ona no tuir hau nia haree momos durante FRETILIN halo kampainia iha munisipiu hotu ema barak tebes,” dehan Andre Lobato.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here