Home dezenvolvimentu Alkatiri: FRETILIN Mak Lori Demokrasia no Haburas Liberdade

Alkatiri: FRETILIN Mak Lori Demokrasia no Haburas Liberdade

215
0
SHARE
Sekretario Jeral FRETILIN Mari Alkatiri hato'o hela programa ba militante FRETILIN iha munisipiu Ermera. Photo: TTN/Hortencio Sanches

By: Fidelio RAMOS

THETIMOR-NEWS.com, Gleno – Sekretariu Jeral partidu Frente Revolucionaria Timor-Leste Independente (FRETILIN) Mari Alkatiri hatete, demokrasia no liberdade buras iha Timor – Leste mai hosi FRETILIN.

“FRETILIN mak lori prosesu demokrasia atu haburas liberdade iha nasaun ne’e, tanba durante tinan naruk FRETILIN mak halo movimentu makas tanba FRETILIN mak hari estadu no konstituisaun husi 1974/75 to 2002,” dehan Alkatiri ba militante iha kampaina ne’ebe halo iha kapital Gleno Autoridade Munisipal Ermera, Domingu (22/04/2018).

Militante FRETILIN ne’ebe partisipa iha kampaina ne’ebe halo iha kapital Gleno. Photo: TTN/Hortencio Sanches

Nune’e nia dehan, FRETILIN nia komprimisiu klaru bainhira povu fo fiar iha 12 Maiu ba kaer Governu sei kria kondisaun ba Joven no deskobre talentu Juventude sira nian.

“Juventude ohin loron atividade desportu barak hanesan arte no kultura  tenki deskobre se mak bele sai artista ida diak liu iha rai ne’e hodi hatene lolos ema nain haat ka lima para atu dezenvolve tan hodi kompete iha eventu nasional no internasional,” dehan Alkatiri.

Tanba ne’e, nia kompromete sei reativa hikas fali Arte Marsiais ba Joven sira hodi muda rezolusaun lei 5/2017 ne’ebe Governu anterior kria ona hodi bandu Artemarsias sira labele halo aktividade.

“Ita labele akuza Joven sira dehan kriminozu, tenke kria kondisaun ba sira maibe tenke kria mos lei ida atu regula,” dehan lider masimu FRETILIN ne’e.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here