Home dezenvolvimentu Alkatiri Husu Povu Ermera Labele Oho Laku

Alkatiri Husu Povu Ermera Labele Oho Laku

846
0
SHARE
Sekretario Jeral FRETILIN Mari Alkatiri. Photo: TTN/Hortencio Sanches

By: Fidelio RAMOS

THETIMOR-NEWS.com, Gleno – Sekretariu jeral partidu Frente Revolucionaria Timor-Leste Independente (FRETILIN) Mari Alkatiri husu ba povu Ermera labele oho animal Laku tanba kafe folin diak mak, kafe laku ten.

“Kafé laku diak liu tanba folin kapas tanba ne’e labele oho laku hodi han hotu maibe diak liu mak  presiza hakiak makas liu tan hodi nune’e bele fo dalan ba ema hotu iha vida ekonomia, tanba laku kualidade no folin  ne’ebe diak,” dehan Alkatiri ba militante iha kampaina ne’ebe halo iha kapital Glenu Autoridade Munisipal Ermera, Domingu, 22/04/2018).

Militante FRETILIN ne’ebe partisipa iha kampaina ne’ebe halo iha kapital Gleno. Photo: TTN/Hortencio Sanches

Hare ba kualidade Kafe iha Ermera koinesidu iha mundu, lider ne’e dehan, bainhira FRETILIN manan tenke dezenvolve diak liu tan.

“Dezenvolve ba ekonomia TL nian tanba povu Ermera 80% moris ho Café tanba ne’e  husu imi hotu iha 12 de Maio vota FRETILIN,”dehan fundador FRETILIN ne’e.

Nune’e nia husu ba assosiasaun kafe hotu iha Ermera labele kuda  deit kafe maibe tenke kuda mos produtu seluk hanesan derok, saburaka, hudi hodi liga ba dezenvolvimentu diak liu iha munisipiu ne’e.

Alende ne’e, Ermera hanesan mos munisipiu ida ne’ebe malirin furak natural maibe laiha Hotel.  Tanba ne’e nia dehan ba oin tenke hari Hotel balun iha ne’eba atu nune’e bele atria Turista sira bainhira vizita Ermera bele toba.

“Iha ne’e fatin ida  ne’ebe malirin furak los maibe ita mai atu buka deit  Hotel ba toba mos laiha, entaun turista sira mai vizita ita nia fatin ne’e atu toba iha ne’ebe, tan ne’e ba oin ita tenke kria,” dehan Alkatiri.

Nia hatutan, bainhira atu dezenvolve area hirak ne’e presiza uluk hadia kondisaun infrastrutura hanesan estrada, be’e mos, Saude no Saneamentu.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here