Home nasional Veteranus Labele Fiar Lia Falsu

Veteranus Labele Fiar Lia Falsu

294
0
SHARE
Sekretariu Jeral FRETILIN Mari Alkatiri koalia hela ho militante FRETILIN iha kampaina. Photo: Media /FRETILIN

By: Fidelio RAMOS

THETIMOR-NEWS.com, Bobonaro – Sekretriu jeral partidu Frente Revolucionaria Timor-Leste Independente (FRETILIN) Mari Alkatiri husu ba veteranus hotu iha Timor – Leste lalika fiar no preokupa ba lia falsu ne’ebe daudauk ne’e espalla.

Lider ne’e dehan, halakon naran veteranus ne’e lalos bainhira FRETILIN hetan konfiansa hosi povu kaer ukun sei kria kondisaun  ne’ebe diak ba veteranus hotu no sei haburas liu tan.

“dehan hapus naran veteranus ne’e lalos, se FRETILIN manan ita mak sei manda hodi  fo nafatin direitu no haburas diak liu tan veteranus sira, tanba FRETILIN mak halo konstituisasun tan ne’e, veteranus sira lalika fiar,” dehan Alkatiri ba militante iha kampaina ne’ebe halo iha kampo futebol Maliana, Sabado (21/04/2018).

Nune’e nia husu ba lider sira atu halo kampaina politika tenke koalia programa labele lori lia falsu hoodia ameasa tun sae povu.

“Lao ba mai lori lia bosok hodi insulta ema, lao ba mai ameasa veteranus sira oi-oin los, tanba ne’e husu ba veteranus sira labele hakfodak ho lia sira ne’e,” dehan Alkatiri.

Nia haktuir, daudauk  ne’e ema koko atu hamate FRETILIN maibe FRETILIN kontinua buras no metin ba beibeik.

“Sira koko atu  halakon FRETILIN, agora FRETILIN metin no buras ba beibeik, tanba FRETILIN hamutuk ho povu,” dehan lider Jerasaun tuan ne’e.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here