Home dezenvolvimentu Re-Ativa GAM, PSHT-IKS Apoiu FRETILIN

Re-Ativa GAM, PSHT-IKS Apoiu FRETILIN

843
0
SHARE
Militante FRETILIN partisipa hela kampaina FRETILIN eleisaun antesipada. Photo: media/FRETILIN

By: Fidelio RAMOS

THTEIMOR-NEWS.com, Bobonaro – Organizasaun pendekar  Persaudaran Setia Hati Terate (PSHT) liu Abilio alias Mausoko deklara fo apoiu masimu ba partidu historiku Frente Revolucionaria Timor-Leste Independente iha eleisaun antisipada hodi kaer ukun.

Abilio hato’o lia hirak ne’e iha kampainia FRETILIN ne’ebe hala’o iha kampo futebol Maliana, Sabadu (21/04/2018).

“Hau hamrik iha ne’e ho interese estadu nian Hodi apoiu FRETILIN atu desidi povu nia destinu nune’e mos bele reativa hikas fali artemarsiais  ne’ebe mak  durante ne’e governu anterior taka ho lei numeru 5/2017,” dehan Abilio.

Alende ne’e la’os deit organizasaun husi PSHT maibe iha mos orgnizasaun Kera-sakti IKS-PTL ne’ebe mak deklara ona husi Porta Voz Jeronimo Belo ba konferensia imprensa ne’ebe hala’o iha sentru juventude Autoridade  Munisipal Baucau,Kinta (19/04),diretamente ba sekretariu jeral FRETILIN Mari Alkatiri.

“Ami eis membru arte marsiais IKS-PTL Kera-Sakti Baucau deklara katak prontu fo konfiansa votus ba votus atu lori vitoria ba partidu historiku fretilin hodi hakat ba eleisaun ne’ebe sei realiza iha 12 de Maio tinan ne’e,” dehan Porta Voz ne’e.

Organizasaun hirak ne’e desidi tanba haree ba programa politik partidu FRETILIN nian klaru  tanba bainhira povu fo fiar iha eleisaun antisipada hodi kaer ukun sei ativa fali Grupo Arte Marsiais (GAM).

“Ami eis membru arte marsiais IKS-PTL Kera-Sakti Baucau deklara katak prontu fo konfiansa votus ba votus atu lori vitoria ba partidu historiku fretilin hodi hakat ba eleisaun ne’ebe sei realiza iha 12 de Maio tinan ne’e,”  dehan Porta Voz ne’e.

Sekretariu jeral partidu Fretilin  Mari Alkatiri hatete, Komprisiu los ona atu reativa hikas bainhira kaer ukun eleisaun antisipada, sei loke fali artemarsiais.

“Tenki ho lei ida klaru tanba artemarsiais la’os bandidu  tanba joven sira ne’e mos  uluk luta ba rai ne’e hotu, balu dehan ba jura ba bandeira merah putih pois dehan tan milisi, ne’e lalos ida ne’e bandeira indonezia nian sira laos milisi tanba ne’e  ami sei loke,” dehan Alkatiri.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here