Home dezenvolvimentu Jerasaun Foun Prontu Asselera Dezenvolvimentu

Jerasaun Foun Prontu Asselera Dezenvolvimentu

219
0
SHARE
Prezidente PD Mariano Assanami Sabino. Photo: TTN/Hortencio Sanches

By: Hortencio SANCHES

THETIMOR-NEWS.com, Aileu – Prezidente Partidu Demokratiku (PD) Mariano Assanami Sabino hatete, Jerasaun foun iha PD koinese diak ukun no oinsa atu lori povu no nasaun ba oin.

Lider foinsae ne’edehan, Jerasaun foun la matenek hanesan jerasaun tuan sira maibe jerasaun foun hakarak aprende hosi Jerasaun tuan atu bele hatutan ukun ne’e ba oin atu bele lori moris diak ba povu.

“Jerasaun tuan hotu sei orgullu bainhira PD manan tanba ita ne’e laos seluk ida mesak sira nia oan ne’ebe aprende hosi sira maibe ita pronto atu hatutan sira nia matenek ba oin  tanba povu nia vida moris ba oin todan liu tan ba modernizasaun ida ba moris ida diak liu iha futuru, ho nune’e xave mak ne’e, PD koinese deiak ukun no oinsa lori povu ida ne’e ba oin,” dehan Assanami iha kampaina PD ne’ebe, halo iha Munisipiu Aileu Vila, Sexta (20/04/2018).

Nia dehan, PD kaer ukun atu  servi  laiha loron, laiha kalan, laiha tempu ba familia maibe iha tempu tomak ho totalidade ba nasaun ne’e.

“Iha PD nia juramentu atu servi povu, nune’e imi ida-idak sei lao ba fatin-fatin tuku odamatan fanun povu tomak atu vota ba PD maski imi iha partidu oi-oin maibe tenke vota ba PD atu loke odamatan atu ita lao hamutuk atu hadia rai ida ne’e ho dignu,” dehan  Assanami.

Alende ne’e, PD promote bainhira hetan votus ne’ebe aumenta kaer ukun iha Governu sei tau importansiamos ba kondisaun saude no edukasaun atu bele sai kualidade ne’ebe diak.

“Ita mos sei hadia setor edukasaun no saude, maibe laos ida ne’e deit sei halo um aba mestre no doutor sira hodi nune’e sir abele hela iha fatin ne’ebe diak tanba ne’e husu ba inan aman sira iha Aileu tenke vota ba PD,” dehanLider Foinsae ne’e.

PD nia palanu importante atu konstroi nune’e labele hatun aman ida ho aman seluk sira, tanba nia oan no jerasaun mak hamrik  hodi kaer ukun nasaun ne’e.

“Ami mai iha ne’e hakruk ba imi tanba ami imi inan aman sira nia oan, fo imi nia votus maiami, vota ba  PD dignifika luta  maubere, vota PD dignifika unidade nasional hodi fotisae aman sira hotu nudar maubere nian atu fo moris ne’ebe diak,” dehan Assanami.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here