Home dezenvolvimentu Aileu Tenke Sai Sentru ba Edukasaun

Aileu Tenke Sai Sentru ba Edukasaun

295
0
SHARE
Sekretario Jeral PD Antonio Kalohan. Photo: TTN/Hortencio Sanches

By: Hortencio SANCHES

THETIMOR-NEWS.com, Aileu – Sekretariu Jeral Partidu Demokratiku (PD) Antonio da Conseção promote Aileu sei sai hanesan sentru ba edukasaun bainhira povu fo fiar ba PD manan iha eleisaun antesipada.

“Aileu iha parte klaran hosi sorin Ermera sorin Ainaro entaun bele sai hanesan sentru ba edukasaun ho nia institute rasik bainhira PD kaer ukun sei dezenvolve diak liu tan,” dehan Antonio iha kampaina PD ne’ebe, halao iha munisipiu Aileu, Sexta (20/04/2018).

Daudauk ne’e, Aileu iha ona institute rasik hanesan ASTI ne’ebe fo ona graduasaun ba Aileu ona barak. Tanba ne’e Antonio dehan, ba oin inan aman sira tenke fo votus barak ba PD atu kaer ukun nune’e bele dezenvolve nafatin eskola ne’e ho diak ba povu nia oan sira labele lao dok  hodi buka eskola.

Sekretario Jeral PD Antonio Kalohan. Photo: TTN/Hortencio Sanches

“Aileu oan sira atu hetan oportunidade ida ne’ebe diak liu ba sira nia eskola ASTI hanesan institute superior ida ne’ebe hari iha Aileu iha VI Governu bainhira Lasama mate tia hau ba assume fali kargu hanesan ministru edukasaun hau nia vise foti dezisaun atu taka tia eskola ne’e, maibe hau la konkorda no haruka dada sai hodi hola dezisaun fila fali atu halo rezolusaun ida hodi eskola ne’e ezisti nafatin to ohin loron,” dehan Kalohan.

Nune’e nia dehan, bainhira PD manan hakarak fo formasaun ne’ebe diak ba mestre sira hodi hanorin alunus sira ho kualidade ne’ebe diak.

“Fo formasaun ne’ebe diak ba mestre sira mak sei hanorin ita nia oan sira ho kualidade ne’ebe diak ida ne’e mak planu PD nian bainhira ba kaer ukun, ida ne’e ami promote iha katuas no ferik sira hotu nia oin vota ba PD  Aileu sei iha akademika de professor tenke loke iha ne’e nune’e atu fo kualidade edukasaun ba Timor laran tomak liu-liu Aileu,” dehan Antonio.

Alende ne’e, nia koalia mos oinsa atu halo apostamentu mellora ba ekonomia ne’ebe diak liu iha Aileu atu kria empregu iha munispiu refere atu fo kampo traballu ba povu nia oan sira.

“Aileu tenke sai mos sentru id aba dezenvolvimentu industria alimentar nian atu nune’e ita labele depende bebeik ba produtu ne’ebe ohin loron ita konsumu mai hosi liur maibe tenke promove ita nian atu konsumu rasik,” dehan nia.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here