Home nasional Xanana Husu Militante AMP Respeita Partidu Seluk

Xanana Husu Militante AMP Respeita Partidu Seluk

763
0
SHARE
Lider Masimu AMP Kay Rala Xanana Gusmao koalia hela ho militante AMP iha akampaina ne'ebe halo iha munisipiu Aileu. Photo: TTN/Hortencio Sanches

By: Hortencio SANCHES

THETIMOR-NEWS.com, Aileu – Lider Masimu Bloku Aliansa Mudansa ba Progresu (AMP) Kay Rala Xanana Gusmao husu ba militante hotu tenke respeita partidu seluk atu nune’e bele kria paz estabilidade no hatudu demokrasia.

Militante AMP ne’ebe partisipa iha kampaina AMP iha munisipiu Aileu. Photo: TTN/Hortencio Sanches

“Ita tenke respeita partidu seluk nune’e bele hatudu demokrasia, ba partidu sese deit labele halo ameasa, labele halo intimidasaun,” dehan Xanana iha kampaina AMP nian ne’ebe halo  iha kampo futebol Aileu Vila, Kinta (19/04/2018).

Alende ne’e, Xanana husu mos ba lider hotu hosi partidu seluk atu labele bosok povu hodi hetan votus maibe tenke koalia buat ne’ebe lolos ba povu.

Lider Kay Rala Xanana Gusmao esplika hela Fronteira Tasi entre Timor – Leste ho Australia ba militante AMP iha munisipiu Aileu. Photo: TTN/Hortencio Sanches

“Hau husu ba Doutor bo’ot sira atu koalia lolos labele mai lohi ita nia povu, durante ne’e sira dehan hau ba halo perigrinasaun iha rai liur kontratu ho advogadu internasional sira gasta osan barak deit, maibe sira nian iha tinan sira liu ba ne’e la presiza advogadu internasional mos sira lori osan mai mos halo sala tiha, assina ita nia mina ba tinan 50 resin ho Australia durante tinan ne’e ita labele koalia kona ba fronteira tasi ho Australia tanba assina ona ne’e,” dehan Xanana.

Nia hatutan iha  ema balun husu ba nia atu labele koalia Fronteira Maritima iha kampaina partidu. Tanba ne’e nia dehan, “ sira dehan haul abele koalia Fronteira Maritima iha kampaina lae sira halo debate ho hau, hau hakarak mak atu debate ho Doutor Ramos Horta atu koalia  kona ba assuntu sira ne’e.”

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here