Home nasional IKS Baucau Desidi Apoiu FRETILIN

IKS Baucau Desidi Apoiu FRETILIN

455
0
SHARE
Militante FRETILIN Munisipiu Baucau ne'ebe partisipa iha kampaina FRETILIN nian iha Baucau. Photo: Spesial

By: Fidelio RAMOS

THETIMOR-NEWS.com, Baucau – Grupu Arte Marsiais (GAM), Ikatan Kera-Sakti (IKS) Autoridade Munisipal Baucau desidi fo apoiu masimu ba Partidu historiku Frente Revolucionaria Timor-Leste Independente (FRETILIN) iha eleisaun antisipada 2018.

Organizasaun ne’e desidi tanba hare programa politik FRETILIN nian klaru ona no povu fo fiar iha eleisaun antisipada hodi kaer ukun sei loke hikas fali GAM ne’ebe durante ne’e governu taka.

Lia hirak ne’e deklara hosi, Porta Voz Agustinho Jeronimo Belo ba Sekretariu jeral FRETILIN Mari Alkatiri iha konferensia imprensa ne’ebe halao iha sentru juventude Baucau, Kinta (19/04/2018).

“Ami eis membru arte marsiais IKS-PTL Kera-Sakti Baucau deklara katak prontu fo votus konfiansa ba FRETILIN hodi hetan vitoria iha eleisaun agora,” dehan Porta Voz ne’e.

Tamba ne’e, lider masimu FRETILIN Mari Alkatiri dehan, Komprisiu los ona atu reativa hikas bainhira povu fo fiar iha eleisaun antisipada, sei loke fali GAM ne’ebe dadauk ne’e governu bandu.

“Tenki ho lei ida klaru tanba artemarsiais laos bandidu tanba joven sira ne’e mos uluk luta ba rai ne’e hotu, balu dehan ba jura ba bandeira merah putih pois dehan tan milisi, ne’e lalos ida ne’e bandeira indonezia nian sira laos milisi tanba ne’e ami sei loke,” dehan Alkatiri.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here